റയല്‍ വല്ലഡൊലിഡിനെ കീഴടക്കി ബാഴ്‌സക്ക് വിജയം

ബാഴ്‌സലോണ : ഉസ്മാൻ ഡെമ്പല്ലേ നേടിയ ഗോളിൽ ലാ ലിഗയിലെ രണ്ടാം മത്സരത്തിൽ ബാഴ്സക്ക് വിജയം. റയൽ വല്ലഡൊലിഡിന് എതിരെ ഏകപക്ഷീയമായ ഒരു ഗോളിനാണ് വിജയം കൈവരിച്ചത്. വീഡിയോ അസിസ്റ്റന്റ് റഫറി (VAR) ഉൾപ്പെടുത്തിയുള്ള ലാ ലിഗയുടെ ആദ്യ സീസണാണിത്.

ആദ്യപകുതിയിൽ രണ്ട് ടീമുകൾക്കും ഗോൾ നേടാനായില്ല. എന്നാൽ രണ്ടാം പകുതിയിൽ 57 ആം മിനുട്ടിൽ ബാഴ്‌സലോണയുടെ ഓസ്മാനായ ഡെമ്പല്ലേ ഗോൾ നേടി. സെർജിയോ റോബെർട്ടോയുടെ പാസിൽ നിന്നാണ്
ഡെമ്പല്ലേയുടെ ആ ഗോൾ പിറന്നത്.

ALSO READ: ബെസിക്റ്റസിനെ വീഴ്ത്തി ഇന്ത്യൻ അണ്ടർ 16 ഫുട്ബോൾ ടീം

മത്സരം അവസാനിക്കാൻ 10 മിനിറ്റ് ബാക്കി നിൽക്കെ സ്ട്രൈക്കർ ലൂയി സുവാരസ് ഗോളിനായി ശ്രെമിച്ചെങ്കിലും അത് ഓഫ്‌സൈഡ് ആയി. പുതുതായി ടീമിൽ എത്തിച്ച വിദാൽ, മൽകോം എന്നിവരെ ബാഴ്സ കളത്തിൽ ഇറകിയെങ്കിലും താരങ്ങൾക്ക് മികച്ച പ്രകടനം കാഴ്ചവെക്കാനായില്ല.