റോമ : കേരളത്തിലെ പ്രളയത്തില്‍ ദുരിതമനുഭവിക്കുന്നവർക്ക്‌ സഹായ ഹസ്തവുമായി ഇറ്റാലിയന്‍ ക്ലബ് എഎസ് റോമ. അടുത്ത ചൊവ്വാഴ്ച നടക്കുന്ന റോമയുടെ ആദ്യ ഹോംമാച്ചിന് ശേഷം റോമ കളിക്കാർ ഒപ്പിട്ട 5 ജേഴ്സികൾ ലേലത്തിന് വെക്കുമെന്നും ഇതിൽ നിന്നുള്ള തുക കേരളത്തിന് നൽകുമെന്നുമാണ് അറിയിച്ചിരിക്കുന്നത്. ക്ലബിന്റെ ഔദ്യോഗിക ട്വിറ്റര്‍ അകൗണ്ട് വഴിയാണ് ഇക്കാര്യം അറിയിച്ചത്.
ALSO READ: കേരളത്തിന് സഹായങ്ങള്‍ ഒഴുകുന്നു; ദുരിതാശ്വാസനിധിയിലേക്ക് ബുധനാഴ്ച ഏഴുമണിവരെ എത്തിയത് 539 കോടിരൂപ
കേരളത്തിൽ പ്രളയം നേരിട്ട സമയത്ത് തന്നെ ഇത് സംബന്ധിച്ച വിവരങ്ങൾ ട്വീറ്റ് ചെയ്ത് ക്ലബ് പിന്തുണയുമായി എത്തിയിരുന്നു. മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ലിങ്കും ട്വീറ്റിലൂടെ നൽകിയിരുന്നു. കേരളത്തിലെ പ്രളയ വാർത്തകൾ ക്ലബ്ബിന്റെ ശ്രെദ്ധയിൽ എത്തിക്കുന്നതിൽ റോമയുടെ ഇന്ത്യയിലെ ഫാൻ ക്ലബ്ബും നിർണായക പങ്ക് വഹിച്ചിരുന്നു.
സീരി എ സീസൺൻ്റെ ആദ്യ ഹോം മാച്ചിൽ അറ്റ്ലാന്റയാണ് റോമയുടെ എതിരാളികള്‍. ആദ്യ മത്സരത്തില്‍ റോമ ടൊറിനോയെ തോല്‍പ്പിച്ചിരുന്നു.
Post Your Comments