അപകടത്തിൽപ്പെട്ട് ദമ്പതികൾ തെറിച്ചു വീണു; അഞ്ച്‌ വയസുകാരനുമായി ബൈക്ക് മുന്നോട്ട് പോയത് 20 സെക്കന്റുകളൊളം (വീഡിയോ വൈറൽ)

ബംഗളൂരു: അപകടത്തിൽപ്പെട്ട് ദമ്പതികൾ തെറിച്ചു വീഴുകയും അഞ്ച്‌ വയസുകാരനുമായി ബൈക്ക് മുന്നോട്ട് പോകുകയും ചെയ്യുന്നതിന്റെ വീഡിയോ സമൂഹമാധ്യമങ്ങളിൽ വൈറലാകുന്നു. ബംഗളൂരു റോഡിൽ ഓഗസ്റ്റ് 19നായിരുന്നു അപകടം ഉണ്ടായത്. കുടുംബം സഞ്ചരിച്ച ബൈക്ക് മുന്നിലുണ്ടായിരുന്ന മറ്റൊരു ബൈക്കിലിടിക്കുകയായിരുന്നു.

ALSO READ: ദൂരദര്‍ശന്‍ കേന്ദ്രത്തില്‍ തീപിടിത്തം

Death escapade
Mistakes Highlighted – speed, no helmets, overtaking from left side & using mobile phones..

Why the baby was supposed to pay the price for your mistakes?

Fortunately, the kid was unhurt and safe.

PS:These kinds of miracles don’t happen often!#AbideTrafficRules pic.twitter.com/ecOm6ZLCpL

— BCP MAN (@HMLokesh) August 20, 2018

ഇടിയുടെ ആഘാതത്തിൽ ദമ്പതികൾ ബൈക്കിൽ നിന്ന് തെറിച്ച് വീഴുകയായിരുന്നു. ബൈക്ക് അമിത വേഗതയിലായിരുന്നെന്നാണ് വിവരം. ദമ്പതികൾ തെറിച്ചു വീണിട്ടും ബൈക്ക് മാറിയാതെ കുഞ്ഞുമായി മുന്നോട്ട് പോകുകയായിരുന്നു. ഏകദേശം 20 സെക്കന്റുകളൊളം കുഞ്ഞുമായി ബൈക്ക് മുന്നോട്ട് പോയി.സംഭവം കണ്ട് ആളുകൾ ബൈക്കിന് പുറകെ ഓടി അൽപ്പദൂരം മുന്നോട്ട് പോയ ശേഷം ബൈക്ക് റോഡിനരികിൽ മറിയുകയായിരുന്നു. കുട്ടി പരിക്കുകൾ ഇല്ലാതെ രക്ഷപെട്ടു. സാരമായി പരിക്കേറ്റ മാതാപിതാക്കൾ ആശുപത്രിയിൽ ചികിത്സയിലായിരുന്നു.