റെഡ് അലർട്ട്; പമ്പ അണക്കെട്ട് നിറഞ്ഞു

പ​ത്ത​നം​തി​ട്ട: ശ​ബ​രി​ഗി​രി ജ​ല​വൈ​ദ്യു​ത പ​ദ്ധ​തി​യു​ടെ ഭാ​ഗ​മാ​യ പമ്പ അണക്കെട്ട് നിറഞ്ഞതിനാൽ അ​തീ​വ ജാ​ഗ്ര​താ നി​ര്‍​ദേ​ശം (റെ​ഡ് അ​ല​ര്‍​ട്ട്) പു​റ​പ്പെ​ടു​വി​ച്ചു. ജലനിരപ്പ് 986 മീ​റ്റർ കടന്നിരിക്കുകയാണ്. അ​ണ​ക്കെ​ട്ടി​ന്‍റെ പ​ര​മാ​വ​ധി ജ​ല​നി​ര​പ്പ് 986.33 മീ​റ്റ​റാ​ണ്. മ​ഴ​യു​ടെ​യും നീ​രൊ​ഴു​ക്കി​ന്‍റെ​യും അ​ടി​സ്ഥാ​ന​ത്തി​ല്‍ 100 ക്യു​മെ​ക്സ് തോ​തി​ല്‍ ജ​ലം ഷട്ടർ തുറന്ന് ഒഴുക്കിവിടാൻ തീരുമാനിച്ചിട്ടുണ്ട്. ഇതിനാൽ പ​മ്പ ഡാ​മി​ന്‍റെ താ​ഴെ​യു​ള്ള പ്ര​ദേ​ശ​ങ്ങ​ളി​ല്‍ താ​മ​സി​ക്കു​ന്ന​വ​രും പ​മ്പ ന​ദി​യു​ടെ ഇ​രു​ക​ര​യി​ലു​ള്ള​വ​രും ശ​ബ​രി​മ​ല തീ​ര്‍​ഥാ​ട​ക​രും അ​തീ​വ​ജാ​ഗ്ര​ത പു​ല​ര്‍​ത്ത​ണ​മെ​ന്ന് ജി​ല്ലാ ക​ള​ക്ട​ര്‍ അ​റി​യി​ച്ചു.

Read also: വീ​ണ്ടും ആശങ്ക; ഷട്ടർ തുറന്നിട്ടും ഇ​ടു​ക്കി അ​ണ​ക്കെ​ട്ടി​ലെ ജ​ല​നി​ര​പ്പ് ഉ​യ​രു​ന്നു

ക​ക്കി-​ആ​ന​ത്തോ​ട് ഡാ​മി​ലേ​ക്ക് ഒ​ഴു​കി​വ​രു​ന്ന അ​ധി​ക​ജ​ലം പു​റ​ത്തു​ക​ള​യു​ന്ന​തി​നാ​യി ആ​ന​ത്തോ​ട് ഡാ​മി​ന്‍റെരണ്ട് ഷട്ടറുകൾ 7.5 സെ.​മീ വീ​തം ഉ​യ​ര്‍​ത്തി അ​ധി​ക​ജ​ലം ക​ക്കി ആ​റി​ലേ​ക്ക് ഒഴുക്കി വിടുകയാണ്. ജലനിരപ്പ് കൂടുതൽ ഉയർന്നാൽ കൂടുതൽ ഷട്ടറുകൾ ഉയർത്താൻ സാധ്യതയുണ്ട്.