വീ​ണ്ടും ആശങ്ക; ഷട്ടർ തുറന്നിട്ടും ഇ​ടു​ക്കി അ​ണ​ക്കെ​ട്ടി​ലെ ജ​ല​നി​ര​പ്പ് ഉ​യ​രു​ന്നു

ചെ​റു​തോ​ണി: ട്രയല്‍ റണ്ണിന്റെ ഭാഗമായി ഇടുക്കി അണക്കെട്ടിലെ ഷട്ടര്‍ ഉയര്‍ത്തിയെങ്കിലും ജലനിരപ്പ് ഉയരുന്നു. ഉച്ചയ്ക്ക് 12.30 ന് ഷട്ടര്‍ ഉയര്‍ത്തുമ്പോള്‍ 2398.98 അടിയായിരുന്ന ജലനിരപ്പ് 4 മണിയോടെ 2399.40 ആയി ഉയര്‍ന്നിരിക്കുകയാണ്. ഷ​ട്ട​ര്‍ ഉ​യ​ര്‍​ത്തി സെ​ക്ക​ന്‍​ഡി​ല്‍ 50 ഘ​ന​മീ​റ്റ​ര്‍ വെ​ള്ളം ഒ​ഴു​ക്കി ക​ള​യു​ന്ന​തി​നി​ടെ​യാ​ണ് ജ​ല​നി​ര​പ്പ് വീ​ണ്ടും ഉ​യ​രു​ന്ന​ത്.

Read also: ഇടമലയാര്‍ അണക്കെട്ട് അഞ്ച് മണിക്ക് തന്നെ തുറന്നത് നീരൊഴുക്ക് വേഗത്തിലായതോടെ,ഇടുക്കി അണക്കെട്ടും തുറക്കാൻ സാധ്യത: സര്‍വ്വസജ്ജമായി ദുരന്ത നിവാരണ അതോറിറ്റി

ഇ​ടു​ക്കി അ​ണ​ക്കെ​ട്ടി​ന്‍റെ വൃ​ഷ്ടി​പ്ര​ദേ​ശ​ങ്ങ​ളി​ല്‍ കനത്ത മഴ തുടരുന്നതിനാല്‍ ജലനിരപ്പ് ഇനിയും ഉയരാന്‍ തന്നെയാണ് സാധ്യത. നീരൊഴുക്ക് ശക്തമായതോടെ ഡാമിലേക്ക് ക്രമാതീതമായി വെളളം ഒഴുകി എത്തുകയാണ്. 2403 അടിയാണ് ഡാമിന്റെ സംഭരണശേഷി.