ഉമ്പായി അന്തരിച്ചു

കൊച്ചി : പ്രശസ്ത ഗസ്സൽ ഗായകൻ  ഉമ്പായി(68 ) അന്തരിച്ചു. ആലുവയിലെ സ്വകാര്യ ആശുപത്രിയിൽ വെച്ച് വൈകിട്ട് 4:40നായിരുന്നു അന്ത്യം. ക്യാന്‍സർ ബാധിതനായി ചികിൽസയിലായിരുന്നു. പി.എ ഇബ്രാഹിം എന്നാണ് യഥാർത്ഥ പേര്. 1988ൽ ആദ്യ ഗസൽ ആൽബം പുറത്തിറക്കി. ഇരുപതോളം ഗസല്‍ ഗാനങ്ങള്‍ പുറത്തിറക്കി.

സ്വന്തം സൃഷ്ടികളിലൂടെയും പഴയ ചലച്ചിത്ര ഗാനങ്ങളുടെ ഗസൽ ആവിഷ്കാരത്തിലൂടെയും ഏറെ ആസ്വാദകരെ നേടിയെടുത്തു. പാടുക സൈഗാൾ പാടൂ, അകലെ മൗനം പോൽ, ഒരിക്കൽ നീ പറഞ്ഞു തുടങ്ങിയവയാണ് പ്രശസ്തമായ ആല്‍ബങ്ങള്‍. നോവൽ എന്ന സിനിമയിൽ എം.ജയചന്ദ്രനോടൊത്ത് സംഗീത സംവിധാനം നിർവഹിച്ചു.