മലപ്പുറം : ശുചിമുറിയില്‍ നിന്ന് അയല്‍ക്കാരന്‍ ദൃശ്യങ്ങള്‍ പകര്‍ത്താന്‍ ശ്രമിച്ചെന്ന പരാതിയുമായി മലപ്പുറം എടക്കര പൊലീസ് സ്റ്റേഷനിലെത്തിയ പതിനഞ്ചുകാരി ആത്മഹത്യശ്രമത്തിനിടെ ഗുരുതരാവസ്ഥയില്‍. എടക്കര സ്വദേശിയായ പെൺകുട്ടി ഇപ്പോൾ മഞ്ചേരി മെഡിക്കൽ കോളേജിൽ ചികിത്സയിലാണുള്ളത്. മദ്യലഹരിയിലായിരുന്ന അയല്‍ക്കാരന്‍ പെണ്‍കുട്ടിയുടെ ശുചിമുറിയില്‍ നിന്നുളള ദൃശ്യങ്ങള്‍ പകര്‍ത്താന്‍ ശ്രമിച്ചെന്ന പരാതിയുമായി കഴിഞ്ഞ വെളളിയാഴ്ച അര്‍ധരാത്രിയാണ് പൊലീസിനെ സമീപിച്ചത്.
കുടുംബം തന്നെ പ്രതിയെ പൊലീസിന് കൈമാറി. ശനിയാഴ്ച രാവിലെ പെണ്‍കുട്ടിയുടേയും കുടുംബത്തിന്റേയും സാന്നിദ്ധ്യത്തിൽ ഇയാളെ ജാമ്യത്തിൽ വിടുകയും ചെയ്തിരുന്നു. എന്നാൽ മണിക്കൂറുകള്‍ക്കകം മടങ്ങിയെത്തിയ പ്രതി പെണ്‍കുട്ടിയുടെ വീട്ടിലെത്തി ദൃശ്യങ്ങള്‍ സമൂഹമാധ്യമങ്ങളില്‍ പ്രചരിപ്പിക്കുമെന്ന് ഭീഷണി മുഴക്കുകയും ഇത് കേട്ട പെൺകുട്ടി ആത്മഹത്യക്കു ശ്രമിക്കുകയുമായിരുന്നു. കഴുത്തിനും ഞരമ്പുകള്‍ക്കും സാരമായി പരുക്കേറ്റ പെണ്‍കുട്ടിക്ക് വിദഗ്ധ ചികില്‍സ നൽകാനായി കോഴിക്കോട് മെഡിക്കല്‍ കോളജിലേക്ക് റഫര്‍ ചെയ്യാനാണ് തീരുമാനം.
Post Your Comments