മലപ്പുറം : പോലീസിനെ ഭയന്ന് പുഴയിൽ ചാടിയ യുവാവിനെ കാണാതായി. മലപ്പുറം തിരൂരിലാണ് സംഭവം. ഇന്ന് രാവിലെ മണലുമായി പോയ വാഹനം തിരൂര്‍ എസ്‌ഐയുടെ നേതൃത്വത്തിലുള്ള പോലീസ് സംഘം തടഞ്ഞിരുന്നു. പരിശോധന നടത്തുന്നതിനിടെ യുവാക്കള്‍ ചമ്രവട്ടത്തെ പുഴയിലേക്ക് ചാടുകയായിരുന്നു.
Read also:പോലീസിനെ ഭയന്ന് യുവാക്കൾ പുഴയിൽ ചാടി; ഒരാളെ കാണാതായി
പുഴയിൽ ചാടിയ രണ്ടുപേരിൽ ഒരാൾ രക്ഷപ്പെടുകയും ഒരാളെ കാണാതാവുകയും ചെയ്തു. ശക്തമായ ഒഴുക്കുള്ള നിലയിലാണ് പൊന്നാനി പുഴ. പുഴയിൽ ചാടിയവരെക്കുറിച്ചുള്ള കൂടുതൽ വിവരങ്ങൾ ഇതുവരെ ലഭ്യമായിട്ടില്ല. അഗ്നിശമനസേനയും പോലീസും നാട്ടുകാരും സംയുക്തമായാണ് തെരച്ചില്‍ നടത്തുന്നത്.
Post Your Comments