ചിയാംഗ് റായി: തായ്‌ലന്റിലെ ഗുഹയില്‍ നിന്നും രക്ഷപ്പെടാന്‍ കഴിഞ്ഞതിനെ മഹാത്ഭുതം എന്ന് വിശേഷിപ്പിച്ച് കുട്ടികൾ. അധികൃതര്‍ സംഘടിപ്പിച്ച പൊതുപരിപാടിയിൽ 14കാരനായ അദുല്‍ സാമോണാണ് തങ്ങളുടെ രക്ഷപെടലിനെ മഹാത്ഭുതം എന്ന് പറഞ്ഞത്.
Read Also: ഗുഹയിൽ നിന്ന് രക്ഷപെട്ട കോച്ചും കുട്ടികളും ആശുപത്രി വിട്ടു
ആരോഗ്യസ്ഥിതി തൃപ്‌തികരമായതിനെ തുടര്‍ന്ന് കുട്ടികളെല്ലാവരും ആശുപത്രി വിട്ടതിന്റെ പിന്നാലെയാണ് പൊതുപരിപാടിയിൽ പങ്കെടുത്തത്. ഗുഹയില്‍ കുടുങ്ങിയതിനാൽ ഏതാനും കുട്ടികള്‍ക്ക് ന്യുമോണിയ പിടിപെട്ടിരുന്നു. ഇവര്‍ ആരോഗ്യം വീണ്ടെടുത്തതോടെയാണ് ആശുപത്രിയില്‍ നിന്നും വിട്ടയച്ചത്. പൊതുപരിപാടിയില്‍ കുട്ടികള്‍ക്കും പരിശീലകനും ഒപ്പം രക്ഷാപ്രവര്‍ത്തനത്തില്‍ ഏര്‍പ്പെട്ട എല്ലാവരും പങ്കെടുത്തിരുന്നു.
Post Your Comments