ഹിമയുടെ ദേശസ്നേഹം തന്നെ ആഴത്തില്‍ സ്പര്‍ശിച്ചുവെന്ന് പ്രധാനമന്ത്രി

ന്യൂഡല്‍ഹി: ലോക ജൂനിയര്‍ അത്​ലറ്റിക്​ മീറ്റില്‍ വിജയിയായ ഹിമ ദാസി​ന്‍റെ ദേശസ്​നേഹം തന്നെ ആഴത്തില്‍ സ്​പര്‍ശിച്ചതായി പ്രധാനമന്ത്രി നരേന്ദ്രമോദിയുടെ ട്വീറ്റ്. മത്സരത്തില്‍ വിജയിയായ ശേഷം ഇന്ത്യന്‍ പതാക ലഭിക്കാനാക്കായി ഹിമ തേടി നടന്നതും പുരസ്കാരദാന സമയത്ത്​ ഇന്ത്യന്‍ ദേശീയഗാനം ഉയര്‍ന്നു കേട്ടപ്പോള്‍ ഹിമ ദാസ്​ വികാരാധീനയായി കണ്ണുനീര്‍ പൊഴിച്ചതുമാണ്​ പ്രധാനമന്ത്രിയെ സ്​പര്‍ശിച്ചത്​.

ഹിമയുടെ വീഡിയോ ഇതിനകം തന്നെ സോഷ്യൽ മീഡിയയിൽ വൈറൽ ആയിരുന്നു. ഹിമയുടെ ദേശസ്​നേഹത്തില്‍ താന്‍ ആകൃഷ്​ടനായെന്ന് ഹിമ വിജയിയായ നിമിഷത്തിന്റെ വിഡിയോ സഹിതം പ്രധാനമന്ത്രി ട്വീറ്റ്​ ചെയ്തു. ​

Unforgettable moments from @HimaDas8’s victory.
Seeing her passionately search for the Tricolour immediately after winning and getting emotional while singing the National Anthem touched me deeply. I was extremely moved.
Which Indian won’t have tears of joy seeing this! pic.twitter.com/8mG9xmEuuM

— Narendra Modi (@narendramodi) July 14, 2018