ലിവർപൂൾ: നിലവിൽ ഇറ്റാലിയൻ ക്ലബ്ബായ റോമയ്ക്ക് വേണ്ടി കളിക്കുന്ന ബ്രസീലിയന്‍ ഗോള്‍ കീപ്പര്‍ അലിസണിനെ സ്വന്തമാക്കാന്‍ പ്രീമിയര്‍ ലീഗ് ക്ലബായ ലിവര്‍പൂള്‍ രംഗത്ത്. 70 മില്യണ്‍ യൂറോയാണ് അലിസണ് വേണ്ടി സീരി എ ടീമായ റോമ ആവശ്യപ്പെടുന്നത്. എന്നാൽ 60 മില്യണ്‍ യൂറോയും ബോണസായി അഞ്ചു മില്യണാണ് ലിവര്‍പൂള്‍ മുന്നോട്ട് വെക്കുന്ന ഓഫര്‍.
ഈ വർഷം ആദ്യം മുതൽ തന്നെ അലിസണിനെ സ്വന്തമാക്കാൻ ലിവർപൂൾ രംഗത്ത് ഉണ്ടായിരുന്നെങ്കിലും വിലയിൽ റോമാ വിട്ടുവീഴ്ച ചെയ്യാൻ തയ്യാറാകാത്തതാണ് ട്രാൻസ്ഫർ നീളൻ കാരണം. അലിസണ്‍നു വേണ്ടി സ്പാനിഷ് ക്ലബ്ബായ റയല്‍ മാഡ്രിഡും ശ്രമം നടത്തുന്നതായി റിപ്പോർട്ടുണ്ട്.
Also Read: ചരിത്രം കുറിച്ച് ഹിമാ ദാസ്
നേരത്തെ സൂപ്പർ താരം മുഹമ്മദ് സലായെ ചെറിയ തുകയ്ക്ക് റോമാ ലിവർപൂളിന് വിട്ടുകൊടുത്തിരുന്നു.
കഴിഞ്ഞ സീസണിലെ ഈ അബദ്ധം ആവര്‍ത്തിക്കാതിരിക്കാനാണ് റോമ ഇപ്പോൾ ശ്രമിക്കുന്നത്.
നിലവിലെ സാഹചര്യത്തിൽ റോമയുടെ കടുംപിടുത്തതിൽ ലിവർപൂൾ വഴങ്ങുകയാണെങ്കിൽ അലിസണ് ചരിത്രത്തിലെ ഏറ്റവും വിലപിടിപ്പുള്ള ഗോള്‍ കീപ്പറായി മാറും.
Post Your Comments