പൂക്കോട്ടുംപാടം: ഒമ്പത് ലക്ഷത്തി നാല്‍പത്തി അയ്യായിരം രൂപയുടെ കുഴല്‍പണവുമായി യുവാവ് പിടിയില്‍. കെ.എല്‍.52 .ഏ .3560 ഹീറോ ഹോണ്ട ബൈക്കിന്റെ ടാങ്ക് കവറില്‍ കെട്ടുകളാക്കി കടത്തിയ കുഴല്‍പ്പണമാണ് പൂക്കോട്ടുംപാടം പോലീസ് പിടികൂടിയത്. സംഭവത്തില്‍ മലപ്പുറം മൊറയൂര്‍ അരിമ്പ്ര സീനത്ത് മന്‍സിലില്‍ മഖ്സൂദ്അലി (28)യാണ് പാലാങ്കരയില്‍ വാഹന പരിശോധനക്കിടയില്‍ പിടിയിലായത്.
Also Read : കുഴല്‍പണ സംഘവുമായി മുന്‍ ന്യായാധിപന് അടുത്ത ബന്ധം : ന്യായാധിപന് കേന്ദ്ര ഇന്റലിജന്‍സിന്റെ നിരീക്ഷണത്തില്‍
അഞ്ചൂറ് രൂപയുടെ നൂറെണ്ണമുള്ള പതിനെട്ട് കെട്ടുകളും, അഞ്ചൂറ് രൂപയുടെ 90 എണ്ണമുള്ള ഒരു കെട്ടുമായി സൂക്ഷിച്ച നിലയിലായിരുന്നു പണം. പ്രതിയെ കോടതിയില്‍ ഹാജരാക്കി. വിദ്യാര്‍ഥികളില്‍ വാഹനങ്ങളുടെ ദുരുപയോഗം തടയുക എന്ന ലക്ഷ്യത്തോടെ പൂക്കോട്ടുംപാടം പോലീസ് പാലാങ്കര പള്ളിക്ക് സമീപം നടത്തിയ വാഹന പരിശോധനക്കിടെയാണ് കൊണ്ടോട്ടിയില്‍ നിന്നും കരുളായി, മൂത്തേടം,എടക്കര, വഴിക്കടവ് ഭാഗങ്ങളില്‍ വിവിധ വ്യക്തികള്‍ക്ക് എത്തിക്കാനായി കൊണ്ടു പോവുകയായിരുന്ന കുഴല്‍പണം പിടികൂടിയത്.
Post Your Comments