ലിവർപൂൾ: കഴിഞ്ഞ സീസണിലെ ഫോം ഈ സീസണിലും ലിവര്‍പൂള്‍ തുടരുമെന്ന സൂചനയാണ് ലിവര്‍പൂള്‍ പ്രീ സീസൺ മത്സരത്തിലൂടെ നൽകുന്നത്. ഇന്നലെ നടന്ന പ്രീ സീസണ്‍ മത്സരത്തില്‍ ചെസ്റ്ററിനെ നേരിട്ട ലിവര്‍പൂള്‍ എതിരില്ലാത്ത ഏഴു ഗോളുകള്‍ക്കാണ് വിജയിച്ചത്. രണ്ടു ഗോളുകൾ വീതം നേടിയ സ്റ്റുറിഡ്ജും വില്‍സണുമാണ് ഇന്നലെ ലിവർപൂളിന് വേണ്ടി തിളങ്ങിയത്.
Also Read : ഐ.എസ്.എൽ: പുതിയ സീസണിന്റെ മത്സരക്രമം ഈ മാസം പ്രഖ്യാപിക്കും
ലോകകപ്പിന് പങ്കെടുക്കാത്ത താരങ്ങള്‍ മാത്രമെ ലിവര്‍പൂള്‍ പ്രീ സീസണ്‍ ക്യാമ്പിൽ ഇതുവരെ പങ്കെടുത്തിട്ടുള്ളു. ലിവര്‍പൂളിന്റെ പുതിയ സൈനിംഗ്സ് ആയ ഫാബിനോയും നബി കേറ്റയും ഈ മത്സരത്തില്‍ ലിവര്‍പൂളിനായി അരങ്ങേറിയിരുന്നു. വില്‍സണും, സ്റ്റുറിഡ്ജിനും പുറമെ മില്‍നര്‍, ഇംഗ്സ്, കെന്റ് എന്നിവരാണ് ലിവര്‍പൂളിനായി ഗോളുകള്‍ നേടിയത്.
Post Your Comments