ഈ നമ്പരില്‍ നിന്നുള്ള കോളുകള്‍ എടുക്കരുത്: തിരികെ വിളിക്കരുത് കേരള പോലീസ് മുന്നറിയിപ്പ്

ഇത്തരം നമ്പറുകളിൽ നിന്നും കോൾ വരാറുണ്ടോ എങ്കിൽ സൂക്ഷിക്കണമെന്ന മുന്നറിയിപ്പുമായി കേരള പോലീസ്. വിദേശത്തു നിന്നുമാണ് +5 എന്നു തുടങ്ങുന്ന നമ്ബറില്‍ അജ്ഞാത ഫോണ്‍കോളുകള്‍ വന്നുകൊണ്ടിരിക്കുന്നതെന്നു കേരളാ പോലീസിന്റെ ഔദ്യോഗിക ഫേസ്ബുക്ക് പേജിലെ ജാഗ്രത നിർദേശത്തിൽ പറയുന്നു.

ശനിയാഴ്ച രാവിലെ മുതല്‍ ഇത്തരം ഫോണ്‍ കോളുകള്‍ വരുന്നുണ്ടെന്നാണ് വിവരം. ഈ നമ്ബറില്‍ നിന്നുള്ള മിസ്ഡ് കോള്‍ കണ്ട് തിരികെ വിളിച്ചവരുടെ ഫോണ്‍ ബാലന്‍സ് വന്‍ തോതില്‍ നഷ്ടപ്പെട്ടതായും റിപ്പോര്‍ട്ടുണ്ട്.

+591, +395,+371,+381, +563,+370,+255,+1869,+993 എന്നീ നമ്ബറുകളില്‍ തുടങ്ങുന്ന ഫോണ്‍ നമ്ബറുകളില്‍ നിന്നും തട്ടിപ്പ് ഫോണ്‍കോളുകള്‍ വരുന്നതെന്നും +5 ല്‍ തുടങ്ങുന്ന നമ്ബര്‍ ബോളിവീയയില്‍ നിന്നാണെന്നാണ് കാണിക്കുന്നതെന്നും പോലീസും സ്ഥിരീകരിക്കുന്നു. സംഭവത്തെ കുറിച്ച് ഹൈടെക് സെല്‍ അന്വേഷണം ആരംഭിച്ചതായാണ് വിവരം.

Also read : ഒരു കോടി രൂപയിലേറെ ശമ്പളം; ഗൂഗിള്‍ നിര്‍മിത ബുദ്ധി സംഘത്തിലേക്ക് ഇന്ത്യന്‍ യുവാവിന് ക്ഷണം