പൊന്‍കുന്നം: സമൂഹമാധ്യമങ്ങൾ വഴി വീട്ടമ്മയ്ക്ക് സെക്‌സ് ദൃശ്യങ്ങൾ അയച്ച് ശല്യം ചെയ്ത പ്രതിയെ പോലീസ് പിടികൂടി. സാമൂഹ്യമാധ്യമം വഴി പരിചയപ്പെട്ട യുവാവ് ആദ്യം ഗുഡ്‌നൈറ്റ് സന്ദേശമാണ് അയച്ചു തുടങ്ങിയത്. ഒടുവിൽ അത് സെക്‌സ് ദൃശ്യങ്ങൾ വരെ എത്തി. പലതവണ വീട്ടമ്മ ഇയാളെ വിലക്കിയെങ്കിലും ഇയാൾ ഇത് തുടർന്നുകൊണ്ടേയിരുന്നു. ശല്യം സഹിക്കാനാകാതെ വീട്ടമ്മ ഇയാളുടെ നമ്പർ ബ്ലോക്ക് ചെയ്തു. ഇതോടെ ഇയാൾ മറ്റൊരു നമ്പറിൽ നിന്ന് ശല്യം തുടർന്ന്.
ALSO READ: യുഎഇയിൽ സമൂഹമാധ്യമങ്ങൾ വഴി അനധികൃതമായി പണംശേഖരിക്കുന്നവർക്ക് കനത്ത പിഴ
ശല്യം അതിരുവിട്ടതോടെ വീട്ടമ്മ പോലീസിൽ പരാതി നൽകി. തുടർന്ന് വയനാട് സുല്‍ത്താന്‍ബെത്തേരി സ്വദേശി നെന്മേനി ചുള്ളിയോട് ആലപ്പാറ ഇളമ്പാശ്ശേരി റോയി ഏബ്രഹാമിനെ പോലീസ് അറസ്റ്റ് ചെയ്തു. അതേസമയം സ്ത്രീകള്‍ക്ക് അശ്‌ളീല സന്ദേശം അയച്ച് ശല്യം ചെയ്യുന്നത് ഇയാളുടെ പതിവ് നടപടിയായി പോലീസ് കണ്ടെത്തിയിട്ടുണ്ട്. ഇത്തരം പ്രവര്‍ത്തിയുടെ പേരില്‍ കണ്ണൂര്‍ ജില്ലയില്‍ ഇയാള്‍ക്കെതിരേ മുൻപും കേസുണ്ടായിട്ടുണ്ട്. ഇതിന് ജയില്‍ശിക്ഷ അനുഭവിക്കുകയും ചെയ്തിട്ടുള്ളയാളാണ് റോയി ഏബ്രഹാം. പോലീസ് സൈബര്‍ സെല്ലിന്റെ സഹായത്തോടെയാണ് ഇയാളെ പിടികൂടിയത്.
Post Your Comments