തിരുവനന്തപുരം: സംസ്ഥാനത്ത് ഏതാനും ദിവസങ്ങളായി സിനിമാമേഖലയുമായി ബന്ധപ്പെട്ട് പുതിയസംഭവ വികാസങ്ങളാണ് ഉണ്ടായികൊണ്ടിരിക്കുന്നത്. ദിലീപിനെ താരസംഘടനയായ അമ്മയില്‍ തിരിച്ചെടുത്ത സംഭവവുമായി ബന്ധപ്പെട്ടാണ് വിവാദങ്ങള്‍ ഉണ്ടായികൊണ്ടിരിക്കുന്നത്. ദിലീപിനെ തിരിച്ചെടുത്ത നടന്‍ മോഹന്‍ലാലിനെതിരെ വിമര്‍ശനങ്ങള്‍ ഉയരുന്ന സാഹചര്യത്തില്‍ താരത്തിന് പിന്തുണയുമായി ഫാന്‍സ് അസോസിയേഷന്‍ പ്രകടനം നടത്തി. തിരുവനന്തപുരത്തും കൊച്ചിയിലുമാണ് മോഹന്‍ലാലിന് പിന്തുണയറിയിച്ച് ഫാന്‍സ് അസോസിയേഷന്‍ പ്രകടനം നടത്തിയത്.
ദിലീപിനെ സംഘടനയില്‍ എടുത്തതിന് പിന്നാലെ അമ്മയുടെ പ്രസിഡന്റ് കൂടിയായ മോഹന്‍ലാലിനെതിരെ വിവിധ യുവജന- മഹിളാ സംഘടനകള്‍ രംഗത്തെത്തിയിരുന്നു. എ.ഐ.വൈ.എഫ് മോഹന്‍ലാലിന്റെ കോലം കത്തിച്ചപ്പോള്‍ താരത്തിന്റെ വീട്ടിലേക്ക് മാര്‍ച്ച് നടത്തിയായിരുന്നു യൂത്ത് കോണ്‍ഗ്രസിന്റെ പ്രതിഷേധം. കൂടാതെ സാംസ്‌കാരിക- രാഷ്ട്രീയ രംഗത്തെ പ്രമുഖരും മോഹന്‍ലാലിനെ വിമര്‍ശിച്ച് രംഗത്തെത്തിയിരുന്നു. ഈ സാഹചര്യത്തിലാണ് മോഹന്‍ലാലിനെ അനുകൂലിച്ച് ഫാന്‍സ് അസോസിയേഷന്‍ പ്രകടനവുമായെത്തിയത്.
read also : ബിഗ് ബോസില്‍ നിന്ന് തരികിട സാബുവിനെ പുറത്താക്കണം : ഏഷ്യാനെറ്റ് എം.ഡിയ്ക്ക് ബിജെപിയുടെ പരാതി
കൊച്ചിയില്‍ സവിതാ തിയേറ്ററിന് സമീപത്ത് നിന്നുമാണ് പിന്തുണ അര്‍പ്പിച്ചുകൊണ്ടുള്ള പ്രകടനം ആരംഭിച്ചത്. ‘വി സപ്പോര്‍ട്ട് മോഹന്‍ലാല്‍’ എന്ന പോസ്റ്ററുമായാണ് പ്രകടനം നടത്തിയത്. പിന്തുണയുമായി മമ്മൂട്ടി ഫാന്‍സുകാരും മോഹന്‍ലാല്‍ ആരാധകര്‍ക്കൊപ്പമുണ്ടായിരുന്നു. തിരുവനന്തപുരത്ത് പാളയം രക്തസാക്ഷി മണ്ഡപത്തില്‍ നിന്നാണ് പ്രകടനം ആരംഭിച്ചത്.
Post Your Comments