കാലിനിങ്ഗ്രാഡ്: ഇ ഗ്രൂപ്പ് മത്സരത്തില്‍ സെര്‍ബിയയ്‌ക്കെതിരെ സ്വിറ്റ്‌സര്‍ലന്‍ഡിന് ജയം. ആദ്യ പകുതിയില്‍ ഒരു ഗോളിന് പിന്നിട്ട് നിന്ന ശേഷം രണ്ട് ഗോളുകള്‍ മടക്കി മിന്നും ജയമാണ് സ്വിറ്റ്സര്ലന്ഡ് നേടിയത്. ഗ്രാനിറ്റ് ഷാകയുടെയും സെഹ്ദ്രാന്‍ ഷഖ്വിരിയുടെയും ഗോളുകളാണ് സ്വിസ് ജയം ഉറപ്പാക്കിയത്.
read also:ഇഞ്ചുറി ടൈമില്‍ ഗോളടിച്ച് ആദ്യ ജയത്തിലേക്ക് പിടിച്ച് കയറി ബ്രസീല്‍
മത്സരം തുടങ്ങി അഞ്ചാം മിനിട്ടില്‍ തന്നെ സെര്‍ബിയ സ്വിസ് നിരയെ ഞെട്ടിച്ചു. അലക്സാണ്ടര്‍ മിത്രോവിച്ചിലൂടെ സെര്‍ബിയ മുന്നിലെത്തി. തുടര്‍ന്ന് രണ്ടാം പകുതിയില്‍ 52-ാം മിനിട്ടിലാണ് ഷാക സ്വിറ്റ്‌സര്‍ലന്‍ഡിനായി സമനില നേടുന്നത്. തുടര്‍നന്് അവസാന നിമിഷം 90-ാം മിനിറ്റില്‍ ഷാഖ്വിരിയിലൂടെ ജയവും സ്വിസ് സ്വന്തമാക്കി.
ജയത്തോടെ ബ്രസീലും സ്വിറ്റ്സര്‍ലന്‍ഡും ഒപ്പമായി. സ്വിറ്റ്സര്‍ലന്‍ഡിന്റെ അവസാന മത്സരം കോസ്റ്ററിക്കയ്ക്കെതിരേയാണ്. സെര്‍ബിയയുടെ അവസാന മത്സരം ബ്രസീലിനെതിരേയും. സെര്‍ബിയ ആദ്യ മത്സരത്തില്‍ കോസ്റ്ററിക്കയെ തോല്‍പ്പിച്ചിരുന്നു. സ്വിറ്റ്സര്ലന്ഡ് ആദ്യ മത്സരത്തില്‍ ബ്രസീലിനെ സമനിലയില്‍ കുടുക്കി.
Post Your Comments