വഡോദര: സ്കൂള്‍ ശൗചാലയത്തിനുള്ളിൽ വിദ്യാര്‍ഥി കൊല്ലപ്പെട്ട സംഭവത്തിൽ മുഖ്യപ്രതി പിടിയിൽ. ഇതേ സ്കൂളിലെ പത്താം ക്ലാസ് വിദ്യാര്‍ഥിയെയാണ് ബല്‍സറില്‍ നിന്നും പോലീസ് പിടികൂടിയത്. കഴിഞ്ഞ ദിവസം സ്കൂളില്‍നിന്നും മുളക് പൊടിയും ഏഴോളം മാരകായുധങ്ങളുമടങ്ങിയ പ്രതിയുടേത് എന്ന് സംശയിക്കുന്ന ബാഗ് കണ്ടെടുത്തിരുന്നു. വിദ്യാര്‍ഥിയെ ഇപ്പോൾ വിശദമായി ചോദ്യം ചെയ്തു വരികയാണ്. കൂടുതൽ വിവരങ്ങൾ ഒന്നും പുറത്തു വിട്ടിട്ടില്ല.
വെള്ളിയാഴ്ച വൈകുന്നേരമാണ് ഗുജറാത്തിലെ വഡോദരയിലുള്ള സ്കൂളിലെ ഒന്നാം നിലയിലെ ശൗചാലയത്തിൽ വിദ്യാര്‍ഥിയുടെ മൃതദേഹം ചോരയിൽ കുളിച്ച നിലയിൽ മറ്റു കുട്ടികൾ കണ്ടെത്തിയത്. കഴുത്ത് മുറിഞ്ഞ നിലയിലായിരുന്നു. കുത്താനുപയോഗിച്ചതെന്ന് കരുതുന്ന 12 ഇഞ്ച് നീളമുള്ള കത്തിയും കണ്ടെത്തിയിരുന്നു.
Also read : യുവതി അനുകൂല മറുപടി നല്‍കിയില്ല : ക്ഷമനശിച്ച യുവാവ് അവസാനം ചെയ്തതിങ്ങനെ
Post Your Comments