മലപ്പുറം: കഴിഞ്ഞ മൂന്ന് മാസമായി ജസ്‌ന തിരോധാനം പൊലീസിനെ വലച്ചുകൊണ്ടിരിക്കെ അന്വേഷണം കൂടുതല്‍ ഊര്‍ജ്ജിതമാക്കി. അന്വേഷണ സംഘം മലപ്പുറം കോട്ടക്കുന്ന് പാര്‍ക്കില്‍ വീണ്ടും പരിശോധന നടത്തി. ജസ്‌നയോട് രൂപസാദൃശ്യമുള്ള പെണ്‍കുട്ടിയെ കണ്ടെന്ന് പറഞ്ഞ കൂടുതല്‍ പേരുടെ മൊഴി രേഖപ്പെടുത്തി.
കണ്ടത് ജസ്‌നയല്ലെന്ന് സെക്യൂരിറ്റി ജീവനക്കാരനും നാട്ടുകാരനും മൊഴി നല്‍കിയിരുന്നു. പാര്‍ക്കിലെ സിസി ടിവി ദൃശ്യങ്ങള്‍ വീണ്ടെടുക്കാന്‍ അന്വേഷണ സംഘം ശ്രമം തുടങ്ങി. 15 ദിവസത്തെ ദൃശ്യങ്ങള്‍ മാത്രമെ സിസി ടിവിയില്‍ ശേഖരിക്കാനാകൂ. ഈ സാഹചര്യത്തിലാണ് ദൃശ്യങ്ങള്‍ വീണ്ടുക്കാനാകുമോയെന്ന് പരിശോധിക്കുന്നത്. പാര്‍ക്കിന് സമീപത്തെ കടകളിലെയും സ്ഥാപനങ്ങളിലെയും സിസി ടിവി ദൃശ്യങ്ങളും പരിശോധിക്കും.
Post Your Comments