കാർ ട്രക്കിലിടിച്ചു; കുട്ടികൾ ഉൾപ്പടെ ഒരു കുടുംബത്തിലെ നാല് പേർക്ക് ദാരുണാന്ത്യം

ഹൈദരാബാദ്: കാർ ട്രക്കുമായി കൂട്ടിയിടിച്ച് സ്‌കൂൾ ഉടമയും ഭാര്യയും മക്കളും മരിച്ചു. ഇന്ന് രാവിലെ ഹൈദരാബാദ് കരിംനഗറിലാണ് അപകടമുണ്ടായത്. സ്‌കൂൾ ഉടമയായ അരുൺ കുമാർ, ഭാര്യ സൗമ്യ, മക്കളായ അഖിലേഷ് കുമാർ(10) ഷാൻവി(8) എന്നിവരാണ് മരിച്ചത്. സഹോദരനെയും അളിയനെയും ഹൈദരാബാദിൽ ആക്കിയ ശേഷം വീട്ടിലേയ്ക്ക് മടങ്ങുകയായിരുന്നു അരുണും കുടുംബവും. റോഡരികിൽ പാർക്ക് ചെയ്‌തിരുന്ന ട്രക്കിലേയ്ക്ക് കാർ ഇടിച്ചു കയറുകയായിരുന്നു. മൃതദേഹങ്ങൾ പോസ്റ്റ്‌മോർട്ടത്തിനായി സുൽത്താനാബാദിലെ സർക്കാർ ആശുപത്രിയിലേയ്ക്ക് മാറ്റി.

also read: ക്യാൻസർ രോഗമെന്ന് സംശയം; ആശുപത്രിയുടെ ശുചിമുറിയിൽ രോഗി തൂങ്ങി മരിച്ചു