ഗുരുഗ്രാം: വാഹന പാര്‍ക്കിങ്ങിനെ ചൊല്ലിയുണ്ടായി തർക്കം മൂത്തപ്പോൾ യുവതി ഓട്ടോ ഡ്രൈവർക്ക് നേരെ വെടിയുതിർത്തു. ഗുരുഗ്രാമിലെ ഭവാനി എന്‍ഡോവിൽ വെച്ചാണ് സംഭവം. തെറ്റായി ഓട്ടോ പാര്‍ക്ക് ചെയ്തിരിക്കുന്നത് ചോദ്യം ചെയ്തുണ്ടായ തർക്കത്തിനിടെ സപ്ന എന്ന യുവതിയാണ് 23കാരനായ സുനില്‍ കട്ടാരിയ എന്ന ഓട്ടോ ഡ്രൈവറെ വെടിവെച്ചത് .
സുനില്‍ മറ്റ് വാഹനങ്ങള്‍ക്ക് തടസം സൃഷ്ടിച്ച്‌ ഓട്ടോ നിര്‍ത്തി ഫോണ്‍ ചെയ്യുകയായിരുന്നു. ഈ സമയം സ്‌കൂട്ടറില്‍ എത്തിയ സപ്ന ഓട്ടോ മാറ്റാന്‍ ആവശ്യപ്പെട്ടിട്ടും ഇയാള്‍ ചെവിക്കൊണ്ടില്ല. തുടര്‍ന്നു ഇരുവരും തമ്മിൽ വാക്കേറ്റം ഉണ്ടായി. ശേഷം ദൃക്‌സാക്ഷികള്‍ ഇടപെടുകയും ഇരുവരേയും പിന്തിരിപ്പിക്കുകയും ചെയ്തു. എന്നാൽ തിരികെ പോയ സപ്ന സഹപ്രവര്‍ത്തകന്റെ തോക്ക് കൈക്കലാക്കി വന്ന് സുനിലിനെ വെടിവെക്കുക്കയായിരുന്നു.
സംഭവത്തില്‍ യുവതിയെ അറസ്റ്റ് ചെയ്തു. കൊലപാതക ശ്രമം ഉള്‍പ്പെടെയുള്ള വകുപ്പുകള്‍ പ്രകാരം കേസെടുത്തു. തോക്കിന്റെ ഉടമ ഒളിവിലാണ്. ഇയാള്‍ക്കായുള്ള തിരച്ചിൽ തുടങ്ങിയതായി പോലീസ് പറഞ്ഞു.
Also read : ജെസ്‌ന തിരോധാന കേസിലെ പൊലീസ് ശ്രദ്ധിക്കാതെ പോയ ആ പ്രധാനപ്പെട്ട മൊഴി കേസിന് തുമ്പുണ്ടാക്കുമെന്ന് പ്രതീക്ഷ
Post Your Comments