ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കേജ്‌രിവാള്‍ നക്‌സലൈറ്റാണെന്ന ആരോപണവുമായി ബി.ജെ.പി എം.പി സുബ്രഹ്മണ്യന്‍ സ്വാമി. അത്തരത്തിലുള്ള ഒരാളെ മുഖ്യമന്ത്രിമാരായ പിണറായി വിജയന്‍, എച്ച്‌.ഡി കുമാരസ്വാമി, മമത ബാനര്‍ജി, ചന്ദ്രബാബു നായിഡു എന്നിവര്‍ പിന്തുണയ്ക്കുന്നത് എന്തിനാണെന്നും അദ്ദേഹം പറയുകയുണ്ടായി.
Read Also: രാജ്യത്തെ ജനാധിപത്യവിശ്വാസികളെല്ലാം കേജ്‌രിവാളിനെ പിന്തുണയ്ക്കുന്നതായി മുഖ്യമന്ത്രി
കഴിഞ്ഞ ദിവസം പിണറായി വിജയന്‍ ഉള്‍പ്പെടെ നാല് സംസ്ഥാനങ്ങളിലെ മുഖ്യമന്ത്രിമാര്‍ സമരം നടത്തുന്ന അരവിന്ദ് കെജ്‌രിവാളിനെ സന്ദര്‍ശിക്കാന്‍ ഡല്‍ഹിയിലെത്തിയിരുന്നു. ഇതിന്റെ പശ്ചാത്തലത്തിലായിരുന്നു സുബ്രഹ്മണ്യൻ സ്വാമിയുടെ പ്രതികരണം. അതേസമയം ഡല്‍ഹിയിലെ ഐ.എ.എസ് ഉദ്യോഗസ്ഥരുടെ നിസഹകരണത്തില്‍ ലഫ്.ഗവര്‍ണര്‍ ഇടപെടണമെന്നാവശ്യപ്പെട്ട് അദ്ദേഹത്തിന്റെ വസതിയില്‍ കേജ്‌രിവാൾ, ഉപ മുഖ്യമന്ത്രി മനീഷ് സിസോദിയ, സത്യേന്ദര്‍ ജെയിന്‍ എന്നിവർ നടത്തുന്ന കുത്തിയിരിപ്പു സത്യാഗ്രഹം ഏഴാം ദിവസത്തിലേക്ക് കടന്നിരിക്കുകയാണ്.
Post Your Comments