യുവതിയെ കാണാതായി; ഒടുവിൽ കണ്ടെത്തിയത് ഭീമൻ പെരുമ്പാമ്പിന്റെ വയറിൽ നിന്ന്

തോട്ടത്തിൽ പോയ യുവതിയെ പെരുമ്പാമ്പ് വിഴുങ്ങി. ഏഴ് മീറ്റർ നീളമുള്ള ഭീമൻ പെരുമ്പാമ്പാണ് 54കാരിയായ വാറ്റിബയെ വിഴുങ്ങിയത്. ഇവരെ കാണാനില്ലെന്ന് അറിഞ്ഞ ബന്ധുക്കൾ നാടെങ്ങും തിരച്ചിൽ നടത്തുന്നതിനിടെയാണ് യുവതിയെ കാണാതായ പച്ചക്കറി തോട്ടത്തിനടുത്ത് നിന്ന് ഭീമൻ പെരുമ്പാമ്പിനെ കണ്ടെത്തിയത്. യുവതിയെ പെരുമ്പാമ്പ് വിഴുങ്ങിയോ എന്ന സംശയത്തിൽ നാട്ടുകാർ പെരുമ്പാമ്പിനെ പിടികൂടുകയായിരുന്നു. ശേഷം വയർ കീറി പരിശോധിച്ചപ്പോഴാണ് യുവതിയുടെ മൃതദേഹം കണ്ടെത്തിയത്.

ALSO READ: പോസത്തെ നിമിഷനേരംകൊണ്ട് വിഴുങ്ങി പെരുമ്പാമ്പ്; വീഡിയോ കാണാം

കഴിഞ്ഞ വെള്ളിയാഴ്ച ഇന്തോനേഷ്യയിലെ മുന ഐലൻഡിലാണ് സംഭവം. കൃഷിയിടത്തിൽ ഒരുപാട് പാറക്കെട്ടുകൾ ഉണ്ടായിരുന്നു . ഇവിടെ പാമ്പുകളും ഉണ്ടാകും. ഇന്നൽ ഇത്രയും വലുപ്പമുള്ള പെരുമ്പാമ്പുകൾ ജനവാസകേന്ദ്രങ്ങളിലേക്ക് ഇറങ്ങുന്നത് പതിവുള്ളതല്ല. കാട്ടില്‍ ഭക്ഷണം കിട്ടാതെ വരുമ്പോളാണ് ഇവ നാട്ടിലേക്ക് ഇറങ്ങുന്നത്. കഴിഞ്ഞ മാർച്ചിൽ ഒരു കർഷകനെ പെരുമ്പാമ്പ് വിഴുങ്ങിയിരുന്നു.