കശ്മീരിൽ നുഴഞ്ഞുകയറ്റം; മൂന്ന്​ തീവ്രവാദികളെ വധിച്ചു

ശ്രീനഗര്‍: കശ്മീരിൽ നുഴഞ്ഞുകയറാന്‍ ശ്രമിച്ച മൂന്ന് തീവ്രവാദികളെ സൈന്യം വധിച്ചു. ശ്രീനഗറില്‍ നിന്ന്​ 94 കിലോ മീറ്റര്‍ അകലെ കെറാന്‍ സെക്​ടറിലുടെ നുഴഞ്ഞുകയറാന്‍ ശ്രമിച്ച തീവ്രവാദികളെയാണ്​ സൈന്യം വധിച്ചത്​.

also read: കശ്മീരിൽ സുരക്ഷാ സേനയും നാട്ടുകാരും തമ്മിലുണ്ടായ സംഘർഷത്തിൽ നിരവധി മരണം

സംഭവത്തെ തുടർന്ന് പ്രദേശത്ത് സൈന്യം പരിശോധന കര്‍ശനമാക്കിയിട്ടുണ്ട്. ആഭ്യന്തര മന്ത്രി രാജ്​നാഥ്​ സിങ്​ രണ്ട് ദിവസം മുൻപാണ് കുപ്​വാര ജില്ലയില്‍ സന്ദര്‍ശനം നടത്തിയത്. കശ്മീർ മുഖ്യമന്ത്രി മെഹ്​ബൂബ മുഫ്​തി, കേന്ദ്രസഹമന്ത്രി ജിതേന്ത്ര സിങ്​ എന്നിവർക്കൊപ്പമായിരുന്നു രാജ്​നാഥ്​ സിങിന്റെ സന്ദർശനം.