ജയ്പൂര്‍: കോണ്‍ഗ്രസിനെ പരിഹസിച്ച് ബിജെപി ദേശീയ അധ്യക്ഷന്‍ അമിത് ഷാ. കോണ്‍ഗ്രസിനെ പോലൊരു പ്രതിപക്ഷത്തെ കിട്ടിയത് ഭാഗ്യമാണെന്ന് അദ്ദേഹം പറഞ്ഞു. മാത്രമല്ല അപഹാസ്യമായ കോണ്‍ഗ്രസിന്റെ തെരഞ്ഞെടുപ്പ് ആഘോഷങ്ങളെ പറ്റിയും അമിത് ഷാ പറഞ്ഞു. സംസ്ഥാനങ്ങളിലെ ഭരണം നഷ്ടപ്പെട്ടിട്ടും ചെറിയ ഉപതെരഞ്ഞെടുപ്പുകളിലെ വിജയം ആഘോഷമാക്കുകയാണ് കോണ്‍ഗ്രസെന്നാണ് അദ്ദേഹത്തിന്റെ പരിഹാസം. ജയ്പൂര്‍ ലോക്സഭാ മണ്ഡലത്തില്‍ പ്രവര്‍ത്തകരെ അഭിസംബോധന ചെയ്ത് സംസാരിക്കുകായിരുന്നു അദ്ദേഹം.
read also: ലോകത്തെ ഏറ്റവും ജനകീയനായ നേതാവാണ് നമ്മുടെ രാജ്യം ഭരിക്കുന്നതെന്ന് അമിത് ഷാ
ഉപതെരഞ്ഞെടുപ്പുകളില്‍ ബിജെപി പരാജയപ്പെട്ടതില്‍ സന്തോഷമാണുള്ളത്, ഞങ്ങള്‍ക്ക് എട്ട് ഉപതെരഞ്ഞെടുപ്പുകള്‍ നഷ്ടമായി, എന്നിരുന്നാലും കോണ്‍ഗ്രസില്‍ നിന്നും 14 സംസ്ഥാനങ്ങള്‍ ഞങ്ങള്‍ക്ക് പിടിച്ചെടുക്കാനായിട്ടുണ്ട്. നിരവധി സംസ്ഥാനങ്ങളില്‍ ഭരണം നഷ്ടപ്പെട്ടിട്ടും ചില ഉപതെരഞ്ഞെടുപ്പുകളിലെ വിജയത്തില്‍ മാത്രം സംതൃപ്തി കണ്ടെത്തുന്ന കോണ്‍ഗ്രസിനെ പോലൊരു പ്രതിപക്ഷത്തെ കിട്ടിയത് ഭാഗ്യമാണെന്നും അമിത് ഷാ പരിഹസിച്ചു.
എന്ത് ചെയ്തു എന്ന് പറയുന്നതിന് പകരം, ബിജെപി സര്‍ക്കാരിന്റെ കുറ്റം കണ്ടെത്താനാണ് കോണ്‍ഗ്രസ് ശ്രമം. 70 വര്‍ഷങ്ങള്‍കൊണ്ട് നിങ്ങള്‍ എന്ത് ചെയ്തു എന്ന് പറഞ്ഞാല്‍, നിങ്ങളുടെ മൂന്ന് തലമുറകള്‍ അധികാരത്തിലുണ്ടായിരുന്നു. നിങ്ങള്‍ ഇവിടെ എല്ലാം ചെയ്തിരുന്നെങ്കില്‍ ആളുകള്‍ക്ക് ശൗചാലയം നിര്‍മ്മിക്കാനും പാവപ്പെട്ട അമ്മമാര്‍ക്ക് ഗ്യാസ് സിലിണ്ടര്‍ വിതരണം ചെയ്യാനുമൊക്കെയുള്ള ഭാഗ്യം ഞങ്ങള്‍ക്കുണ്ടാകില്ലായിരുന്നുവെന്ന് അമിത് ഷാ പരിഹസിച്ചു.
Post Your Comments