പെരിന്തല്‍മണ്ണ : ഫേസ്ബുക്കിൽ പോസ്റ്റിട്ട യുവതിക്കെതിരെ സൈബർ ആക്രമണം നടത്തിയ യുവാവ് അറസ്റ്റിൽ. മണ്ണാര്‍ക്കാട് പുല്ലിശ്ശേരി കരിമ്പയ്ക്കല്‍ നിയാസുദ്ദീന്‍ (22) ആണ് അറസ്റ്റിലായത്. ഐ.ടി. നിയമപ്രകാരം പെരിന്തല്‍മണ്ണ പോലീസ് ഇന്‍സ്‌പെക്ടര്‍ ടി.എസ്. ബിനുവിന്റെ നേതൃത്വത്തിലാണ് യുവാവിനെ അറസ്റ്റ്‌ചെയ്തത്.
സാമൂഹികപ്രവര്‍ത്തക അങ്ങാടിപ്പുറത്തെ പ്രൊഫ. ഗീതയുടെ മകള്‍ അപര്‍ണ പ്രശാന്തി നല്‍കിയ പരാതിയിലാണ് കേസെടുത്തത്. സിനിമാനിരൂപകയായ അപര്‍ണ, തെലുങ്ക് താരം അല്ലു അര്‍ജുന്റെ സിനിമയെക്കുറിച്ചിട്ട പോസ്റ്റിനെതിരെയാണ് ലൈംഗികച്ചുവയോടെയുള്ള കമന്റുകള്‍ വന്നത്.
സ്ത്രീത്വത്തെ അപമാനിക്കല്‍, അശ്ലീല പദപ്രയോഗത്തിലൂടെ അപമാനിക്കല്‍, ഭീഷണി തുടങ്ങിയവയ്ക്കുള്ള വകുപ്പുകള്‍ പ്രകാരമാണ് കേസെടുത്തത്.
Post Your Comments