ചെങ്ങന്നൂര്‍ ഉപതെരഞ്ഞെടുപ്പ്; തപാല്‍ വോട്ടുകളില്‍ അനശ്ചിതത്വം

കോട്ടയം: ചെങ്ങന്നൂര്‍ ഉപതെരഞ്ഞെടുപ്പിലെ തപാല്‍ വോട്ടുകളില്‍ അനശ്ചിതത്വം. 185 തപാല്‍ വോട്ടുകള്‍ ഇതുവരെ എത്തിയിട്ടില്ല. രാവിലെ എട്ട് മണിക്ക് മുമ്പ് വരുന്ന തപാല്‍ വോട്ടുകള്‍ മാത്രമേ സ്വീകരിക്കുകയുള്ളൂ.

799 സര്‍വീസ് വോട്ടുകളും 40 സര്‍ക്കാര്‍ ജീവനക്കാരുടെ വോട്ടുകളും അടക്കം 839 വോട്ടുകളാണ് തപാല്‍ മാര്‍ഗം എത്തേണ്ടത്. ഇവര്‍ക്ക് നേരത്തേതന്നെ ബാലറ്റ് പേപ്പറുകള്‍ അയച്ചു കൊടുത്തെങ്കിലും ഒന്നും തിരികെ കിട്ടിയെല്ലെന്ന് അധികൃതര്‍ വ്യക്തമാക്കി.

സമരം കാരണം പലയിടത്തായി തപാല്‍ വോട്ടുകള്‍ കെട്ടികിടക്കുകയാണെന്നാണ്. കഴിഞ്ഞ ദിവസങ്ങളില്‍ ജില്ലാ കളക്ടര്‍ ടി.വി. അനുപമ പോസ്റ്റല്‍ അധികൃതരുമായി ചര്‍ച്ച നടത്തിയിരുന്നു. പോസ്റ്റല്‍ ബാലറ്റുകള്‍ വിമാനത്താവളത്തിലെ കാര്‍ഗോയില്‍ ഉണ്ടോയെന്ന് പരിശോധന നടത്താന്‍ ആവശ്യപ്പെട്ടെങ്കിലും അനുകൂല പ്രതികരണം ലഭിച്ചിട്ടില്ലെന്നാണ് അറിയുന്നത്. ബുധനാഴ്ച വൈകിയും ജില്ലാ കളക്ടര്‍ ഇത് സംബന്ധിച്ച് ചര്‍ച്ചകള്‍ നടത്തിയെങ്കിലും പ്രയോജനമുണ്ടായില്ല.