ദുബായ്: ദുബായില്‍ വന്‍ തീപിടുത്തം. അല്‍ ക്വിസ് ഇന്‍ഡസ്ട്രിയല്‍ പ്രദേശത്താണ് തീപിടുത്തം ഉണ്ടായത്. രണ്ട് ഗോഡൗണുകള്‍ പൂര്‍ണമായും കത്തി നശിച്ചു. ചൊവ്വാഴ്ച വൈകുന്നേരം ഉണ്ടായ തീപിടുത്തത്തില്‍ ആളപായം ഉണ്ടായതായി വിവരം ഇല്ല.
സംഭവത്തില്‍ ആര്‍ക്കും പരുക്ക് പറ്റിയതായും റിപ്പോര്‍ട്ടുകളില്ല. ദുബായ് സിവില്‍ ഡിഫന്‍സ് ഡിപാര്‍ട്ട്‌മെന്റിലെ ഫയര്‍ ആന്റ് റെസ്‌ക്യു അസിസ്റ്റന്റ് ജനറല്‍ ഡയറക്ടര്‍ ബ്രിഗേഡിയര്‍ റഷിദ് ഖലിഫ അല്‍ ബുഫലസയാണ് ഇക്കാര്യം വ്യക്തമാക്കിയത്.
read also: ഇന്ത്യന്‍ വിദ്യാര്‍ഥി ആഗ്രഹമറിയിച്ചു സാക്ഷാത്കരിച്ച് നല്‍കി ദുബായ് പൊലീസ് ചീഫ്
ദുബായ് സിവില്‍ ഡിഫന്‍സ് ഓപറേഷന്‍സ് റൂമില്‍ രാത്രി 11.17നാണ് വിവരം ലഭിച്ചത്. 11.19ന് തന്നെ ജീവനക്കാര്‍ എത്തി. രണ്ട് ഗോഡൗണുകള്‍ കത്തി നശിച്ചെങ്കിലും മറ്റിടങ്ങളിലേക്ക് പടരുന്നതിന് മുമ്പ് തീ നിയന്ത്രണവിധേയമാക്കി. ഒരു മണിക്കൂറോളം സമയം എടുത്തു തീ പൂര്‍ണമായും അണയ്ക്കാന്‍.
Post Your Comments