ദുബായ്: ദുബായ് പോലീസിന്റെ സേവനങ്ങൾ ഇനി പൊലീസ് ആര്‍ട്ടിഫിഷല്‍ ഇന്‍റലിജന്‍സ് വിഭാഗം ഒരുക്കിയ ‘അംന’യിലൂടെയും ലഭിക്കും. സര്‍ട്ടിഫിക്കറ്റുകള്‍, രാത്രി പ്രവൃത്തികള്‍ക്കുള്ള അനുമതി, പരാതികള്‍, സംശയങ്ങള്‍ എന്നിവയ്ക്ക് ‘അംന’യുടെ മാർഗനിർദേശം ലഭിക്കുമെന്ന് നിര്‍മിത ബുദ്ധി വകുപ്പ് ഡി.ജി ബ്രിഗേഡിയര്‍ ഖാലിദ് നാസര്‍ അല്‍ റസൂഖി പറയുകയുണ്ടായി. ദുബായ് പൊലീസ് സ്മാര്ട്ട് ആപ്പിലൂടെയാണ് ‘അംന’യുടെ സേവനം ലഭ്യമാകുക.
Read Also: കേരള മുഖ്യമന്ത്രി വായിച്ചറിയാന്‍ ; മോഹൻലാൽ എഴുതിയ തുറന്ന കത്ത്
സേവനങ്ങള്‍ സമ്പൂര്‍ണമായി സ്മാര്ട്ട് രീതിയില്‍ ലഭ്യമാക്കാന്‍ മറ്റു വിഭാഗങ്ങളുമായി ഏകോപനം ചെയ്തുവരികയാണെന്ന് അല്‍ റസൂഖി വ്യക്തമാക്കി. സ്മാര്ട്ട് ആപ് ചിഹ്നത്തില്‍ അമര്‍ത്തി ആവശ്യമുള്ള സേവനമെന്തെന്ന് അറിയിച്ചാൽ തുടര്‍ന്ന് ചെയ്യേണ്ട കാര്യങ്ങളെന്താണെന്ന് ‘അംന’ നിർദേശിക്കും.
Post Your Comments