ഹാര്‍ലി ഡേവിഡ്സണ്‍ ബൈക്ക് സൗജന്യമായി സ്വന്തമാക്കാൻ ഒരു സുവർണ്ണാവസരം. ഫ്രീഡം ഇന്റേണ്‍ഷിപ്പ് എന്ന പദ്ധിതിയിലൂടെ ബൈക്ക് ഓടിച്ച് പഠിക്കാന്‍ അവസരമൊരുക്കുന്നതിനൊപ്പം ഫ്രീയായി ഹാര്‍ലി ബൈക്കും നിങ്ങൾക്ക് ലഭിച്ചേക്കാം.
പതിനെട്ട് വയസ് തികഞ്ഞ ആര്‍ക്കും അവസരമുണ്ട്. നിങ്ങൾ ചെയേണ്ടത് ഇത്രമാത്രം “സ്വാതന്ത്ര്യം എന്നത് കൊണ്ട് നിങ്ങള്‍ എന്താണ് ഉദ്ദേശിക്കുന്നത്” എന്ന് എഴുതി കമ്പനിക്ക് അയക്കണം. ഇതില്‍ ക്രിയാത്മകമായ കുറിപ്പുകള്‍ അയക്കുന്നവര്‍ക്കാണ് അവസരം ലഭിക്കുക. കൂടാതെ ഫോട്ടോ-വീഡിയോ ചിത്രീകരണത്തില്‍ പ്രാഗത്ഭ്യമുള്ളവര്‍ക്ക് മുന്‍ഗണന.
അമേരിക്കയില്‍ വച്ചാണ് 12 ആഴ്ച നീളുന്ന ഇന്റേണ്‍ഷിപ്പ് പ്രോഗ്രാം നടക്കുക. ബൈക്ക് ഓടിച്ച് ഒരു പരിചയമില്ലാത്തവര്‍ക്കും പങ്കെടുക്കാം. ഹാര്‍ലിയിലൂടെ സമൂഹ മാധ്യമങ്ങളില്‍ സജീവമാകാന്‍ താല്‍പര്യമുള്ളവര്‍ക്ക് അവസരമൊരുക്കുന്നതാണ് പദ്ധതി.
അപേക്ഷകരില്‍ നിന്ന് എട്ട് പേര്‍ക്കായിരിക്കും ഇന്റേണ്‍ഷിപ്പിന് അവസരം ലഭിക്കുക. താത്പര്യമുള്ളവര്‍ freedomInternship@Harley-Davidson.com എന്ന വിലാസത്തില്‍ മെയ് 11 -നകം കുറിപ്പുകള്‍ അയക്കണം.
Also read;എസ്.എസ്.എല്‍.സി പരീക്ഷാഫലം: തീയതി പ്രഖ്യാപിച്ചു
Post Your Comments