കണ്ണൂര്‍•സ്കൂള്‍ കുട്ടികളെ പ്രകൃതി വിരുദ്ധ പീഡനത്തിനിരയാക്കിയ യുവാവ് പിടിയില്‍.പാടിയോട്ടുചാല്‍ തട്ടുമ്മലിലെ കീരന്‍ ഹാഷിം (36) ആണ് അറസ്റ്റിലായത്. നാലിലും അഞ്ചിലും പഠിക്കുന്ന കുട്ടികളാണ് ഇയാളുടെ പീഡനത്തിന് ഇരയായത്.
ഇയാള്‍ക്കെതിരേ ചൈല്‍ഡ്‌ ലൈന്‍ നിര്‍ദ്ദേശപ്രകാരമാണ് പോലീസ് കേസെടുത്തത്. കുട്ടികളെ പ്രലോഭിപ്പിച്ച്‌ കൊണ്ടുപോയി പ്രകൃതി വിരുദ്ധ പീഡനം നടത്തിയത്‌ കുട്ടികള്‍ വീട്ടുകാരോട്‌ പറയുകയും തുടര്‍ന്ന്‌ കുട്ടികളുടെ രക്ഷിതാക്കള്‍ ചൈല്‍ഡ്‌ ലൈനില്‍ പരാതിപ്പെടുകയുമായിരുന്നു.
ഇന്നലെ രാവിലെ പാടിയോട്ടുചാലില്‍ വെച്ച്‌ ചെറുപുഴ സ്‌റ്റേഷന്‍ എസ്‌.എച്ച്‌.ഒ എം.പി. ആസാദ്‌, എസ്‌.ഐ പി. സുകുമാരന്‍, എ.എസ്‌.ഐ എന്‍.കെ. ഗിരീഷ്‌, സിവില്‍പോലീസ്‌ ഓഫീസര്‍ രതീഷ്‌ എന്നിവരടങ്ങിയ സംഘമാണ്. ഹാഷിമിനെ അറസ്റ്റ് ചെയ്തത്. മാസങ്ങള്‍ക്ക്‌ മുന്‍പും ഇയാള്‍ ഇത്തരത്തില്‍ കുട്ടികളെ പ്രകൃതി വിരുദ്ധ പീഡനത്തിനിരയാകിയതായി പരാതിയില്‍ പറയുന്നു. ഇയാളെ കോടതിയില്‍ ഹാജരാക്കി.
Post Your Comments