ശ്രീനഗര്‍: തീവ്രവാദികളും സുരക്ഷാസേനയും തമ്മിലുണ്ടായ ഏറ്റുമുട്ടലില്‍ ജവാന് കൊല്ലപ്പെട്ടു. ജമ്മു കശ്മീരിലെ കുല്‍ഗാം ജില്ലയിലാണ് ആക്രമണം ഉണ്ടായത്. രണ്ട് കുട്ടികളടക്കം നാല് സിവിലിയന്മാരും കൊല്ലപ്പെട്ടു. രണ്ട് ജവാന്മാര്‍ക്ക് പരിക്കുണ്ട്. കൊല്ലപ്പെട്ടത് ആന്ധ്രപ്രദേശ് സ്വദേശി സാപ്പര്‍ സാദ ഗുണകര റാവു (24)ആണ്.
സംഭവം നടന്നത് ബുധനാഴ്ച പുലര്‍ച്ചെയാണ്. സുരക്ഷാസേനക്ക് നേരെ പ്രദേശവാസികള്‍ സംഘംചേര്‍ന്ന് കല്ലേറു നടത്തിയതാണ് ബലപ്രയോഗത്തിലേക്ക് നയിച്ചതെന്ന് ഒൗദ്യോഗിക കേന്ദ്രങ്ങള്‍ അറിയിച്ചു. 24 സിവിലിയന്മാര്‍ക്ക് പരിക്കേറ്റു. ഏറ്റുമുട്ടലും സംഘര്‍ഷവും ഉണ്ടായത് കുല്‍ഗാം ജില്ലയില്‍ ഖുദ്വാനി പ്രദേശത്ത് തീവ്രവാദികള്‍ക്കായി സുരക്ഷാസേന തിരച്ചില്‍ നടത്തുന്നതിനിടയിലാണ്. മൂന്ന് തീവ്രവാദികള്‍ രക്ഷപ്പെട്ടു.
read also: കശ്മീരിൽ ഏറ്റുമുട്ടൽ : ഒരു ജവാന് വിരമ്യത്യു
സര്‍ജില്‍ അഹമ്മദ് (25), ഫൈസല്‍ ഇലാഹി (14), ബിലാല്‍ അഹമ്മദ് (16) എന്നിവരാണ് കൊല്ലപ്പെട്ട സിവിലിയന്മാര്‍. ഒരാളുടെ പേര് ലഭ്യമായിട്ടില്ല.
Post Your Comments