കണ്ണൂര്‍: കീഴാറ്റൂര്‍ സമരക്കാരെ അനുനയിപ്പിക്കാന്‍ സി.പി.എം ശ്രമം തുടങ്ങി. ശക്തമായ സമരവുമായി വയൽക്കിളികൾ മുന്നോട്ട് പോകാനൊരുങ്ങുന്നതോടെയാണ് സമരക്കാരെ അനുനയിപ്പിക്കാന്‍ സി.പി.എം ശ്രമിക്കുന്നത്. സി.പി.എം ജില്ലാ സെക്രട്ടറി പി ജയരാജന്‍ തന്നെയാണ് അനുനയ ശ്രമങ്ങള്‍ക്കിറങ്ങിയത്. സി.പി.എമ്മില്‍ നിന്ന് പുറത്താക്കിയ സമരക്കാരുടെ വീടുകള്‍ ജയരാജന്‍ സന്ദര്‍ശിച്ചു.
ALSO READ:വീണ്ടും വയൽക്കിളികളെ പരിഹസിച്ച് മന്ത്രി സുധാകരന്‍
സമരത്തിൽ നിന്ന് പിന്മാറണമെന്നതാണ് സി.പി.എം മുന്നോട്ട് വെയ്ക്കുന്ന പ്രധാന ആവശ്യം.സമരത്തില്‍ നിന്ന് പിന്‍മാറുകയാണെങ്കില്‍ അവര്‍ക്കെതിരെ പാര്‍ട്ടി സ്വീകരിച്ച അച്ചടക്ക നടപടികള്‍ പുനഃപരിശോധിക്കാമെന്ന ഉറപ്പും ജയരാജന്‍ സമരക്കാര്‍ക്ക് നല്‍കിയിട്ടുണ്ട്. ബി.ജെ.പിയും ആര്‍.എസ്.എസും വയല്‍ക്കിളി സമരത്തില്‍ നിന്ന് മുതലെടുപ്പ് നടത്തുകയാണെന്നും പി ജയരാജന്‍ ആരോപിച്ചു.
Post Your Comments