ലക്നോ: വാഹനാപകടത്തിൽ ഒരു കുടുംബത്തിലെ ഒൻപതു പേർക്ക് ദാരുണാന്ത്യം. ഉത്തർപ്രദേശിലെ ഷംലി ജില്ലയിൽ വെച്ചായിരുന്നു അപകടം. നാലു പേർക്ക് പരിക്കേറ്റു. ഇവരിൽ രണ്ടു പേരുടെ നില ഗുരുതരമാണെന്നാണ് വിവരം. വൈഷ്ണവ ക്ഷേത്രത്തിലെ തീർഥാടനത്തിനു ശേഷം മടങ്ങവേ മീററ്റ് കർണാൽ ഹൈവേയിലെ ലക്ഷ്മണപുരയിൽ വച്ച് ഇവർ സഞ്ചരിച്ച വാഹനം ട്രക്കിനടിയിലേക്ക് ഇടിച്ചു കയറുകയായിരുന്നു.
ഡ്രൈവർ ഉറങ്ങിപ്പോയതാകാം അപകടകാരണം. ഏഴു പേർ സംഭവസ്ഥലത്തുവച്ചും മറ്റ് രണ്ടു പേർ ആശുപത്രിയിലെത്തിച്ചതിനു ശേഷവുമാണ് മരണപ്പെട്ടതെന്നും പോലീസ് പറയുന്നു.
Also read ;ചോറും പച്ചക്കറികളും മാത്രം കഴിക്കാം, മറ്റെന്തു കഴിച്ചാലും സോഫിയയുടെ ജീവന്‍ പോകും
Post Your Comments