മൂലമറ്റം: വിവാഹം കഴിപ്പിക്കണമെന്ന ആവശ്യം അമ്മ അംഗീകരിക്കാത്തതില്‍ തെങ്ങില്‍ കയറി യുവാവിന്‍റെ പ്രതിഷേധം. മൂലമറ്റം പുത്തേട് കാന വരയ്ക്കല്‍ കൃഷ്ണന്‍കുട്ടിയുടെ മകന്‍ രഘു (35) ആണ് ഇന്നലെ രാവിലെ മുതല്‍ തെങ്ങില്‍ ഇരിപ്പുറപ്പിച്ചത്. കൂടാതെ തേങ്ങ പറിച്ച് താഴെ ഉള്ളവരെ എറിയാനും തുടങ്ങി. അനുനയിപ്പിച്ച്‌ താഴെയിറക്കാനുള്ള നാട്ടുകാരുടെ ശ്രമം പരാജയപ്പെട്ടതോടെ പോലീസും ഫയര്‍ഫോഴ്സും എത്തി.
വിവാഹം കഴിപ്പിച്ചുതന്നാല്‍ ഇറങ്ങാമെന്ന് രഘു വിളിച്ചുപറഞ്ഞു. അനുനയശ്രമം പരാജയപ്പെട്ടതോടെ ഏണിവച്ചുകയറാന്‍ ഫയര്‍ഫോഴ്സ് ഉദ്യോഗസ്ഥര്‍ തീരുമാനിച്ചു. താഴെ രഘുവിനു നാട്ടുകാര്‍ വലവിരിച്ചു. വലയില്‍ കുടുങ്ങിയ രഘുവിനെ കാഞ്ഞാര്‍ പോലീസ് മൂലമറ്റത്തെ സ്വകാര്യ ആശുപത്രിയില്‍ പ്രവേശിപ്പിച്ചു. പിതാവ് മരിച്ചു പോയ ഇയാള്‍ വിവാഹം കഴിപ്പിക്കണമെന്ന് പറഞ്ഞ് മാതാവുമായി പതിവായി വഴക്കിടുമായിരുന്നുവെന്നു നാട്ടുകാര്‍ പറഞ്ഞു.
കൂടാതെ ഇയാള്‍ കഴിഞ്ഞ ദിവസം ചുറ്റിക കൊണ്ട് മാതാവിനെ അടിച്ചു പരിക്കേല്‍പ്പിച്ചിരുന്നു. ഇയാള്‍ക്ക് മാനസികാസ്വാസ്ഥ്യം ഉണ്ടോയെന്നു പരിശോധിച്ച് വരികയാണെന്ന് പോലീസ് പറഞ്ഞു.
Post Your Comments