സൗദിയിൽ വാഹനാപകടം ; മലയാളി മരിച്ചു

റിയാദ് ; വാഹനാപകടത്തിൽ പ്രവാസി മലയാളി മരിച്ചു. ദമാം–അൽ ഹസ്സ ഹൈവേയിലെ അബ്‌ഖെയ്ഖിൽ ഡിവൈഡറിൽ കാർ ഇടിച്ചു മറിഞ്ഞ്‌ ഇരിട്ടി പാലത്തുംകടവ് മൂഴയിൽ സ്വപ്‌നിൽ സീമോൻ (24) ആണ് മരിച്ചത്. ഒപ്പമുണ്ടായിരുന്ന പാക്കിസ്ഥാൻ സ്വദേശിക്കു ഗുരുതരമായി പരിക്കേറ്റു. ശനിയാഴ്ച പുറത്തുപോയി മടങ്ങിവരാത്തതിനെത്തുടർന്നു നടത്തിയ അന്വേഷണത്തിലാണു അപകടവിവരമറിയുന്നത്. ദുബായിലായിരുന്ന സ്വപ്നിൽ ഒന്നരവർഷം മുൻപാണു ദമാമിലെത്തിയത്. സൈൻ ട്രേഡിങ് കമ്പനിയിൽ മെക്കാനിക്കൽ എൻജിനീയറായിരുന്ന സ്വപ്നിൽ ദമാമിലെ ശ്രദ്ധേയനായ പ്രവാസി ഫുട്‌ബോൾ താരവുമായിരുന്നു. സംസ്കാര ചടങ്ങുകൾ നാട്ടിൽ നടക്കും.

ALSO READ ;ഷാർജയിലുണ്ടായ വാഹനാപകടത്തിൽ യുവാവിന് ദാരുണാന്ത്യം