ബോളിവുഡ് താരം സഞ്ജയ് ദത്തിന്റെ ജീവചരിത്രം എഴുതിയ യാസർ ഉസ്മാൻ എന്ന എഴുത്തുകാരനെതിരെ സഞ്ജയ് ദത്ത് പരാതിയുമായി രംഗത്ത്.തന്റെ വ്യക്തി ജീവിതവുമായി ബന്ധമില്ലാത്ത കാര്യങ്ങളാണ് ‘സഞ്ജയ് ദത്ത്: ദ ക്രേസി അണ്‍ടോള്‍ഡ് സ്റ്റോറി ഓഫ് ബോളിവുഡ്സ് ബാഡ് ബോയ്’ എന്ന പുസ്തകത്തില്‍ പറയുന്നതെന്നായിരുന്നു താരം പറഞ്ഞത്
യാസറിന് നേരെ നിയമനടപടികൾ സ്വീകരിക്കുമെന്ന് സഞ്ജയ് ദത്ത് പറഞ്ഞു.തൊണ്ണൂറുകളിലെ ചില മഞ്ഞ പത്രങ്ങളും ഗോസിപ്പുകളും കണ്ടും കേട്ടുമാണ് ഈ പുസ്തകം എഴുതിയതെന്ന്‍ ദത്ത് ആരോപിച്ചു.
“എന്റെ ഔദ്യോഗിക ആത്മകഥ ഉടൻ തന്നെ പുറത്തിറങ്ങും,അത് സത്യസന്ധമായ വസ്തുതകളെ അടിസ്ഥാനമാക്കിയുള്ളതായിരിക്കും” ദത്ത് ട്വിറ്ററില്‍ കുറിച്ചു.
Read also:എല്ലാ ദിവസവും മാതൃദിനമായി ആഘോഷിക്കണം; ഷെയ്ഖ് മുഹമ്മദ്
എന്നാല്‍ കൃത്യമായ ഉറവിടം ഉപയോഗിച്ചാണ്‌ താന്‍ എഴുതിയതെന്ന്‍ യാസർ ഉസ്മാൻ പറഞ്ഞു .കൂടാതെ ദത്തിന്റെ നിരവധി അഭിമുഖങ്ങളും താന്‍ കണ്ടിട്ടുണ്ടെന്നും അറിയിച്ചു.പുസ്തകം പുറത്തിറക്കിയ പ്രസാധകര്‍ കൂടുതല്‍ വിവരങ്ങള്‍ പുറത്ത് വിടില്ലെന്ന്‍ അറിയിച്ചു.
Post Your Comments