ആലപ്പുഴ : വ്യാഴാഴ്ച സംസ്ഥാന വ്യാപകമായി പണിമുടക്ക്. നഴ്സുമാര്‍ക്ക് നേരെ പൊലീസ് ലാത്തിച്ചാര്‍ജ്ജ് നടത്തിയതിൽ പ്രതിഷേധിച്ചാണ് പണിമുടക്ക് പ്രഖ്യാപിച്ചതെന്ന് യു.എന്‍.എ വാര്‍ത്താ കുറുപ്പിലൂടെ അറിയിച്ചു.
നഴ്സുമാര്‍ ആറു മാസത്തോളമായി നടത്തുന്ന സമരവും, സംസ്ഥാന സെക്രട്ടറിയുടെ നിരാഹാരസമരവും ഒത്തു തീര്‍പ്പാക്കാന്‍ ഉടന്‍ നടപടിയുണ്ടാവണമെന്നാവശ്യപ്പെട്ടാണ് നഴ്സുമാര്‍ ചേര്‍ത്തല കെവിഎം ആശുപത്രിക്കു മുന്‍പില്‍ സംസ്ഥാന പ്രസിഡന്റ് ജാസ്മിന്‍ ഷ, സിബി മുകേഷ്, ബെല്‍ജോ, ഷോബി, വിപിന്‍ എം.പോള്‍,റിന്‍സ്, കിരണന്‍, മിനി തുടങ്ങിയവരുടെ നേതൃത്വത്തിൽ ദേശീയപാത ഉപരോധിച്ചത്. തുടർന്ന് ഇവർക്ക് നേരെ പോലീസ് ലാത്തി വീശുകയും അഞ്ചു നഴ്സുമാർക്ക് പരിക്കേൽക്കുകയുമായിരുന്നു. ഇവരെ താലൂക്കാശുപത്രിയില്‍ പ്രവേശിപ്പിച്ചു. ജാസ്മിന്‍ ഷ അടക്കമുള്ളവരെ പൊലീസ് അറസ്റ്റ് ചെയ്തിട്ടുണ്ടെന്നാണ് വിവരം.
Read also ;പൗരന്മാർ കുവൈറ്റിലേക്ക് തൊഴിൽ തേടിപോകുന്നതിന് നിരോധനം ഏർപ്പെടുത്താൻ ഒരുങ്ങി ഈ രാജ്യം
Post Your Comments