ബ്രസീലിയന്‍ സ്‌ട്രൈക്കര്‍ മാഴ്സലീഞ്ഞോ ബ്ലാസ്റ്റേഴ്സിലേക്ക് എത്തുമെന്ന ആരാധകരുടെ പ്രതീക്ഷകൾക്ക് മങ്ങലേൽക്കുന്നു. തന്റെ നിലവിലെ ക്ലബായ പൂനെ സിറ്റിയുമായി തന്നെ മാഴ്സലീഞ്ഞോ കരാറിലെത്തിയെന്നാണ് പുറത്തുവരുന്ന റിപ്പോർട്ടുകൾ. രണ്ടു വര്‍ഷത്തേക്കാണ് ക്ലബുമായുള്ള പുതിയ കരാര്‍.
Read Also: മഞ്ഞക്കടൽ ഇനി ബ്ലാസ്റ്റേഴ്സിന് മാത്രമല്ല; ബാംഗ്ലൂരിനും സ്വന്തം
ബ്ലാസ്റ്റേഴ്സിനെ കുറിച്ചും മഞ്ഞപ്പടയെ കുറിച്ചും താരം പുകഴ്ത്തിപ്പറഞ്ഞതോടെയാണ് ആരാധകരുടെ പ്രതീക്ഷ വർധിച്ചത്. ബ്ലാസ്‌റ്റേഴ്‌സിലെത്തുമെന്ന് പലപ്പോഴും ആഗ്രഹം പ്രകടിപ്പിച്ചിരുന്ന താരമാണ് മാഴ്സലീഞ്ഞോ. ഐഎസ്എല്ലിലെ തന്നെ ഏറ്റവും ഉയര്‍ന്ന പ്രതിഫലമാണ് ബ്ലാസ്റ്റേഴ്‌സിനോട് ഏജന്റ് ആവശ്യപ്പെട്ടത്. ഇത്രയും തുക നല്‍കാന്‍ ബ്ലാസ്റ്റേഴ്‌സ് മാനേജ്‌മെന്റ് കൂടുതൽ സമയം ആവശ്യപ്പെട്ടതോടെ പൂനെയുമായി കരാര്‍ ഒപ്പിടാന്‍ താരം തീരുമാനത്തിലെത്തുകയായിരുന്നു.
Post Your Comments