ദുബായ് ; കൗമാരക്കാരിയായ അമേരിക്കല്‍ പെണ്‍കുട്ടിയോട് അശ്ലീലചുവയോടെ പെരുമാറിയ കാബ് ഡ്രൈവര്‍ അറസ്റ്റില്‍. ദുബായിലാണ് സംഭവം. കാറില്‍ കയറിയ യുവതിയെ അപമാനിക്കാന്‍ ശ്രമിച്ചതിനാണ് കേസ്. പാകിസ്ഥാന്‍ സ്വദേശിയായ 40കാരനാണ് അറസ്റ്റിലായത്. ഇക്കഴിഞ്ഞ ഡിസംബര്‍ 19 നാണ് കേസിന് ആസ്പദമായ സംഭവം നടന്നത്.
യാത്രയ്ക്കായി ഇയാളുടെ കാറില്‍ കയറിയ പെണ്‍കുട്ടിയുടെ കയ്യില്‍ കയറി പിടിക്കുകയും ചുംബിയ്ക്കാന്‍ ശ്രമിക്കുകയുമായിരുന്നു. തുടര്‍ന്ന് ബലമായി മുന്‍ സീറ്റില്‍ ഇരുത്താന്‍ ശ്രമിക്കുകയും ചെയ്തു. എന്നാല്‍ പെണ്‍കുട്ടി അയാളെ പിടിച്ച് തള്ളി ഡോര്‍ തുറന്ന് പുറത്തിരങ്ങുകയായിരുന്നു. ബലപ്രയോഗത്തിനിടെ പെണ്‍കുട്ടിയുടെ മോതിരം അയാളുടെ കൈയിലകപ്പെടുകയും ചെയ്തു.
തുടര്‍ന്ന് പെണ്‍കുട്ടിയ ദുബായ് അല്‍ റാഫ പൊലീസ് സ്റ്റേഷനില്‍ ഇയാള്‍ക്കെതിരെ പരാതി നല്‍കി.
ഇതിനിടെ പെണ്‍കുട്ടിയുടെ വാട്‌സാ ആപ്പില്‍ വന്ന് മോശമായി സംസാരിക്കുകയും പെണ്‍കുട്ടിയുടെ മോതിരത്തിന്റെ ഫോട്ടോ അയച്ചു കൊടുക്കുകയും ചെയ്തു. തനിയ്ക്ക് പെണ്‍കുട്ടിയെ ഇഷ്ടമാണെന്നും ചുംബിയ്ക്കണം എന്നും പറഞ്ഞ് പെണ്‍കുട്ടിയുടെ മൊബൈലിലേയ്ക്ക് വീണ്ടും അയാള്‍ വാട്‌സ് ആപ്പ് സന്ദേശം അയച്ചു.
പെണ്‍കുട്ടിയുടെ പരാതിയില്‍ പൊലീസ് ഇയാളെ അറസ്റ്റ് ചെയ്യുകയും, ദുബായ് കോടതിയില്‍ ഹാജരാക്കുകയും ചെയ്തു.
Post Your Comments