മാരാരിക്കുളം: പ്രായപൂര്‍ത്തിയാവാത്ത രണ്ട് പെണ്‍കുട്ടികളുമായി ഉല്ലാസയാത്രയ്ക്ക് പോയ യുവാവ് അറസ്റ്റില്‍. കഞ്ഞിക്കുഴി പത്താം വാര്‍ഡില്‍ ശ്യാമി(18)നെയാണ് മുഹമ്മ പോലീസ് അറസ്റ്റ് ചെയ്തത്.
ബുധനാഴ്ച രാവിലെ 11ന് 15 വയസ്സുള്ള രണ്ടു പെണ്‍കുട്ടികള്‍ക്കൊപ്പം കുമരകത്ത് നിന്നാണ് ഇയാളെ അറസ്റ്റ് ചെയ്തത്. വീട്ടില്‍ നിന്ന് പിണങ്ങി ഇറങ്ങിയ പെണ്‍കുട്ടികളുമായി വാഗമണ്ണിലേയ്ക്ക് പോവുകയായിരുന്നു യുവാവ്.
കുട്ടികളെ കാണാതായെന്ന് മനസ്സിലായ ഉടനെ മാതാപിതാക്കള്‍ പോലീസില്‍ പരാതി നല്‍കുകയായിരുന്നു. കുട്ടികളുടെ സുഹൃത്തായ ശ്യാം കയര്‍ ഫാക്ടറിയിലെ ടെന്‍സിലിങ് തൊഴിലാളിയാണ്. ഇയാളെ ഇന്ന് കോടതിയില്‍ ഹാജരാക്കുമെന്ന് പോലീസ് പറഞ്ഞു.
Post Your Comments