ഖേദം പ്രകടിപ്പിക്കുന്നു

പ്രിയ വായനക്കാരെ,

ഈസ്റ്റ്‌ കോസ്റ്റ് ഡെയിലിയില്‍ ബിനോയ്‌ കോടിയേരിയുമായി ബന്ധപ്പെട്ട് ഇന്ന് ഉച്ചയ്ക്ക് പ്രസിദ്ധീകരിച്ച ഒരു വാര്‍ത്ത‍യില്‍ ബിനോയ്‌ കോടിയേരിയുടെ ചിത്രത്തിന് പകരം ബിനീഷ് കോടിയേരിയുടെ ചിത്രം തെറ്റായി നല്‍കിയിരുന്നു. ഉള്ളടക്കത്തില്‍ മുഴുവന്‍ ബിനോയ്‌ കോടിയേരിയെന്നാണ് പരാമര്‍ശിച്ചിരുന്നതെങ്കിലും തലക്കെട്ടിലും പിഴവ് സംഭവിച്ചിരുന്നു. എന്നാല്‍ പിഴവ് ശ്രദ്ധയില്‍പ്പെട്ടയുടന്‍ (വാര്‍ത്ത‍ പ്രസിദ്ധീകരിച്ച് 10 മിനിട്ടിനുള്ളില്‍) സൈറ്റില്‍ നിന്നും ഫേസ്ബുക്കില്‍ നിന്നും വാര്‍ത്ത‍ നീക്കം ചെയ്തിരുന്നു. കൂടാതെ DAILYHUNT, UC NEWS പോലെയുള്ള പ്ലാറ്റ്ഫോമുകളില്‍ നിന്നും വാര്‍ത്ത‍ നീക്കം ചെയ്തിരുന്നു.

മനപൂര്‍വ്വമല്ലാതെ, ശ്രദ്ധക്കുറവ് മൂലം സംഭവിച്ച പിഴവില്‍ ഈസ്റ്റ്‌ കോസ്റ്റ് ഡെയിലി നിര്‍വ്യാജം ഖേദം പ്രകടിപ്പിക്കുന്നു. മേലില്‍ ഇത്തരം പിഴവുകള്‍ ആവര്‍ത്തിക്കാതിരിക്കാന്‍ അതീവ ശ്രദ്ധപുലര്‍ത്തുമെന്നും അറിയിക്കുന്നു.

-എന്ന് എഡിറ്റര്‍

Eastoastdaily.com