തിരുവനന്തപുരം: എന്‍സിപിയില്‍ ലയിക്കില്ലെന്ന് ആര്‍സ്പി കോവൂര്‍ കുഞ്ഞുമോന്‍. മന്ത്രി സ്ഥാനം വേണമെന്നും എന്നാല്‍ എന്‍സിപിയില്‍ ലയിച്ച് മന്ത്രിയാകാനില്ലെന്ന് കോവൂര്‍ അറിയിച്ചു. പാര്‍ട്ടിയെ ഇടതുമുന്നണിയുടെ ഭാഗമാക്കാന്‍ ആവശ്യപ്പെട്ട് കത്ത് കൊടുക്കും. എന്നാല്‍, കോവൂര്‍ കുഞ്ഞുമോന്റെ മന്ത്രിസ്ഥാനം സംബന്ധിച്ച് നടക്കുന്ന ചര്‍ച്ചകള്‍ ഊഹാപോഹമെന്നാണ് എകെ ശശീന്ദ്രന്‍ എംഎല്‍എ പറഞ്ഞത്.
അതേസമയം കോവൂര്‍ കുഞ്ഞുമോന്റെ കാര്യത്തില്‍ എന്‍സിപിയില്‍ സമ്മിശ്ര പ്രതികരണമാണുള്ളത് .കോവൂര്‍ കുഞ്ഞുമോന്‍ വരുന്നതില്‍ പാര്‍ട്ടിക്ക് എതിര്‍പ്പില്ല. അദ്ദേഹം ആവശ്യപ്പെട്ടാല്‍ പാര്‍ട്ടി അക്കാര്യം ചര്‍ച്ച ചെയ്യുമെന്നാണ് മാണി സി.കാപ്പന്‍ പറഞ്ഞത്. മന്ത്രിപദവി പാരിതോഷികം നല്‍കി ആരെയും പാര്‍ട്ടിയില്‍ എടുക്കേണ്ടതില്ല. പാര്‍ട്ടി നേതാക്കള്‍ ഇക്കാര്യം ആരുമായും ചര്‍ച്ച ചെയ്തിട്ടില്ലെന്നും ശശീന്ദ്രന്‍ വ്യക്തമാക്കി.
Post Your Comments