വിളപ്പില്‍ശാല: വിളപ്പില്‍ശാലയില്‍ വിജയ്, സൂര്യ ആരാധകര്‍ തമ്മില്‍ സംഘര്‍ഷം. തെന്നിന്ത്യന്‍ താരങ്ങളായ വിജയ്, സൂര്യ ആരാധകര്‍ തമ്മിലുണ്ടായ ഏറ്റുമുട്ടലില്‍ ഒരാള്‍ക്ക് ഗുരുതരമായി പരിക്കേറ്റു. വിളപ്പില്‍ശാല ചെറുകോട് കവലയില്‍ കഴിഞ്ഞ ദിവസം രാത്രിയാണ് ഇരുവിഭാഗവും തമ്മില്‍ സംഘര്‍ഷമുണ്ടായത്.
സൂര്യ ഫാന്‍സുകാരനായ വിളപ്പില്‍ശാല കാരോട് കരിമരത്തിന്‍മൂട് വീട്ടില്‍ ഷിജു(22)വിനാണ് സംഘര്‍ഷത്തില്‍ തലയ്ക്ക് ഗുരുതര പരിക്കേറ്റത്. കമ്പിപ്പാര കൊണ്ടുള്ള അടിയേറ്റാണ് ഷിജുവിന്റെ തലയ്ക്ക് പരിക്കേറ്റത്. കവലയില്‍ കുട്ടികളുടെ കലാപരിപാടികള്‍ക്കിടയില്‍ സിനിമാഗാനങ്ങളിട്ട് ഷിജുവും സംഘവും നൃത്തംചെയ്തു. വിജയ് ഫാന്‍സുകാരായ സംഘം തങ്ങളുടെ നായകന്റെ സിനിമയിലെ ഗാനമിടാന്‍ ആവശ്യപ്പെട്ടു. തുടര്‍ന്നുണ്ടായ തര്‍ക്കമാണ് സംഘര്‍ഷത്തിലേക്ക് നയിച്ചത്. മെഡിക്കല്‍കോളേജില്‍ ശസ്ത്രക്രിയ നടത്തിയ ഷിജു അപകടനില തരണം ചെയ്തതായി ഡോക്ടര്‍മാര്‍ അറിയിച്ചു. സംഭവത്തില്‍ പോലീസ് കേസെടുത്തു.
SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍
LINK TO DONATE : https://goo.gl/oKHre2
Post Your Comments