ആകാശ മധ്യെ വിമാനത്തില്‍ കാലാവസ്ഥ അപ്‌ഡേറ്റ് അനൗണ്‍സ്‌മെന്റിനിടെ യാത്രക്കാരെ ഞെട്ടിച്ച് പെട്ടെന്ന് മറ്റൊരു അനൗണ്‍സ്‌മെന്റ് . ആ അനൗണ്‍സ്‌മെന്റ് കേട്ട് യാത്രക്കാര്‍ ആദ്യം ഒന്ന് അമ്പരന്നെങ്കിലും പിന്നീട് അത് ചിരിയിലേയ്ക്കും ആശംസയിലേയ്ക്കും വഴിവെച്ചു.
വിമാനത്തിലെ പൈലറ്റ് അതേ വിമാനത്തിലെ ഫ്‌ളയിംഗ് അംബാസിഡറായ തന്റെ പ്രണയിനിയെ വിവാഹം കഴിയ്ക്കുന്നു എന്ന വാര്‍ത്തയാണ് അനൗണ്‍സ്‌മെന്റിലൂടെ യാത്രക്കാര്‍ കേട്ടത്.
പൈലറ്റ് ജോണ്‍ എമേഴ്‌സണാണ് തന്റെ പ്രണയിനി ലോറന്‍ ഗിബ്‌സിനെ പോലും അമ്പരപ്പിച്ച് വിവാഹ വാര്‍ത്ത പുറത്തുവിട്ടത്. തുടര്‍ന്ന് ജോണ്‍ അവളുടെ വിരലില്‍ മോതിരം അണിയിക്കുകയും ചെയ്തതോടെ ആശംസാപ്രവാഹവുമായി യാത്രക്കാര്‍ എത്തി
തന്റെ ജീവിതകാലം മുഴുവന്‍ ലോറന്‍ തന്റെ കൂടെ ഉണ്ടാകണമെന്നും ജോണ്‍ തന്റെ പ്രണയിനിയെ ചേര്‍ത്തു നിര്‍ത്തി പറയുന്ന രംഗം യാത്രക്കാര്‍ പകര്‍ത്തി സോഷ്യല്‍ മീഡിയയില്‍ പങ്കുവെച്ചതോടെ ലക്ഷങ്ങളാണ് ഇവര്‍ക്ക് ആശംസകള്‍ പറഞ്ഞ് ട്വീറ്റുകള്‍ എത്തിയത്.
Post Your Comments