പുതുവർഷത്തെ വരവേൽക്കാൻ കൊച്ചി മെട്രോയും ഒരുങ്ങി. രാത്രി ഒരു മണി വരെ കൊച്ചി മെട്രൊ സര്‍വ്വീസ് നടത്തും. ഒരു മണിക്കാണ് മഹാരാജാസില്‍ നിന്നും ആലുവയിലേക്കുള്ള പുതുവര്‍ഷ മെട്രോ പുറപ്പെടുന്നത്. പുതുവത്സര ആഘോഷങ്ങള്‍ കൂടാതെ ഐഎസ്എല്‍ മത്സരവും കൊച്ചിയില്‍ ഇന്ന് നടക്കുന്നതിനാലാണ് ഇത്തരത്തിലൊരു തീരുമാനം.
കൊച്ചി മെട്രോ സര്‍വ്വീസ് തുടങ്ങിയതിനു ശേഷമുള്ള ആദ്യ പുതുവര്‍ഷമാണിത്. അതുകൊണ്ട് തന്നെ യാത്രക്കാർക്ക് പരമാവധി സേവനം നൽകാനാണ് കെഎംആര്‍എല്ലിന്റെ ലക്ഷ്യം. സമയപരിധി വര്‍ധിപ്പിച്ചതിലൂടെ വരുമാനം വര്‍ധിപ്പിക്കാന്‍ കഴിയുമെന്ന പ്രതീക്ഷയിലാണ് കെഎംആര്‍എല്‍. നിലവില്‍ രാത്രി 10 മണിക്കാണ് മെട്രോയുടെ അവസാന സര്‍വ്വീസ്.
Post Your Comments