തീ ആളിപ്പടര്‍ന്നുകൊണ്ടിരിക്കുന്ന ബഹുനില കെട്ടിടത്തിനു മുകളില്‍ നിന്നും യുവാവ് സാഹസികമായി രക്ഷപെടുന്ന വീഡിയോ വൈറലാകുന്നു. ചൈനയിലെ ചോങ്ക്വിങ് പട്ടണത്തിലാണ് സംഭവം. ഫ്ലാറ്റിന്റെ മുകളിലത്തെ നിലക്ക് തീ പിടിക്കുകയും തീ ആളി പടര്‍ന്നപ്പോള്‍ ഫ്ലാറ്റിനകത്തുണ്ടായിരുന്ന യുവാവ് ബാല്‍കണി വഴി പുറത്തേക്ക് ഇറങ്ങുകയായിരുന്നു. താഴത്തെ നിലയിൽ എത്തിയെങ്കിലും ജനല്‍ച്ചില്ലുകള്‍ കൈകള്‍കൊണ്ട് പൊട്ടിക്കാന്‍ കഴിയാത്തതിനെത്തുടര്‍ന്ന് ഇയാള്‍ക്ക് അകത്ത് പ്രവേശിക്കാന്‍ കഴിയുന്നില്ല. ഇതിനിടെ തീക്കനലുകൾ ഇയാളുടെ ദേഹത്ത് വീഴുന്നതും വീഡിയോയിൽ കാണാം.
തുടർന്ന് കെട്ടിടത്തിന്റെ അകത്തുകൂടി പ്രവേശിച്ച രക്ഷാപ്രവര്‍ത്തകര്‍ ജനല്‍ച്ചില്ലുകള്‍ തകര്‍ത്ത് ഇയാളെ അകത്ത് കയറ്റുകയായിരുന്നു.പിന്നീട് ഇയാളെ ആശുപത്രിയിൽ പ്രവേശിപ്പിച്ചു.
Post Your Comments