മലപ്പുറം: മൂടി കെട്ടിയ കണ്ടെയ്നറില്‍ ഒളിപ്പിച്ച്‌ കടത്തുകയായിരുന്ന കന്നുകാലികളെ മോട്ടോര്‍ വാഹന വകുപ്പ് പിടികൂടി. നമ്പർ പ്ലേറ്റില്ലാതെ കടന്ന് പോകുകയായിരുന്ന കണ്ടെയ്നര്‍ ശ്രദ്ധയില്‍പ്പെട്ടതിനെ തുടര്‍ന്ന് നടത്തിയ സൂക്ഷ്മ പരിശോധനയിലാണ് കന്നുകാലികളെ ഒളിപ്പിച്ചു കടത്തുന്നത് ശ്രദ്ധയിൽ പെട്ടത്. കാലികള്‍ക്ക് ശ്വാസംകിട്ടാത്ത രീതിയില്‍ ക്രൂരത കാണിച്ചാണ് കണ്ടെയ്നറില്‍ കൊണ്ടുപോയിരുന്നതെന്നു പോലീസ് പറഞ്ഞു.
മൃഗങ്ങള്‍ക്ക് ശ്വാസംപോലും ലഭിക്കാത്ത രീതിയിലായിരുന്നു. ഇവ എവിടേക്കു കൊണ്ടുപോകുകയായിരുന്നുവെന്നും എവിടുന്നുകൊണ്ടുവരികയായിരുന്നുവെന്നും പോലീസ് അന്വേഷിക്കുകയാണ്. സംഭവത്തില്‍ കര്‍ണാടകയിലെ സൈദ് മുസമില്‍, അംജദ് ഖാന്‍ എന്നിവര്‍ പിടിയിലായി. ഇവരെ മലപ്പുറം പോലീസിന് കൈമാറി. രണ്ട് കണ്ടെയ്നറുകളാണ് മോട്ടോര്‍ വാഹന വകുപ്പ് നടത്തിയ പരിശോധനയില്‍ പിടിക്കപ്പെട്ടത്.
Post Your Comments