ഈ അഞ്ചു കാരണങ്ങൾ കൊണ്ടായിരിക്കാം പങ്കാളി നിങ്ങളോട് ലൈംഗിക ബന്ധത്തിന് സഹകരിക്കാത്തത്

കാരണം 1 ; അസംതൃപ്​തി

ലൈംഗിക ബന്ധം എന്നാൽ നിങ്ങളുമായി പങ്കുവെക്കുന്ന ബന്ധം എന്നാണ് പല സ്​ത്രീകളുടെയും ധാരണ. അതിനാൽ നിങ്ങൾ അത് പങ്കുവെക്കുമ്പോൾ അവർ തൃപ്​തരാകാതെ വന്നാൽ പിന്നീട് ലൈംഗിക ബന്ധം പങ്കാളിയുടെ മനസ്സിൽ അവസാനത്തെ കാര്യം മാത്രമായിരിക്കും. ഇത്തരംഘട്ടങ്ങളിൽ പങ്കാളിയുമായി തുറന്ന് സംസാരിച്ച് പ്രശ്നങ്ങൾ പരിഹരിക്കുക.

കാരണം 2 ; വേദനാജനകം

നിങ്ങളുടെ പങ്കാളിക്ക് ലൈംഗിക ബന്ധം വേദനാജനകമായ അനുഭവമായിരിക്കാം പക്ഷെ നിങ്ങളോട് ചിലപ്പോൾ പറഞ്ഞെന്ന് വരില്ല. അതിനാൽ ഇക്കാര്യം പങ്കാളിയോട് തുറന്ന് ചോദിക്കുക. കൂടുതൽ സുരക്ഷിതമായ രീതികൾ പിന്തുടരുക. സ്​ത്രീകളെ അപേക്ഷിച്ച്​ പുരുഷൻമാരായിരിക്കും കൂടുതൽ ഉത്തേജിതനാവുന്നത്. അതിനാൽ ധൃതി കൂട്ടാതിരിക്കുക മെല്ലെ കാര്യങ്ങളിലേക്ക് കടക്കുക. ഇല്ലെങ്കിൽ പങ്കാളിക്ക് ബന്ധപ്പെടുന്നത് വേദനാജനകമായി മാറും.

കാരണം 3 ; മാനസിക അടുപ്പം

മാനസികമായ അടുപ്പമാണ് മികച്ച രീതിയിലെ ലൈംഗിക ബന്ധത്തിനുള്ള വാതിൽ തുറന്ന് തരുന്നത്. എല്ലാം ലൈംഗികതയിൽ ആണെന്ന തെറ്റിദ്ധാരണ ഒഴിവാക്കുക. മാനസികമായി അടുപ്പം ഇല്ലങ്കിൽ ലൈംഗിബന്ധത്തിൽ താൽപര്യക്കുറവ്​ സൃഷ്​ടിക്കും. അതിനാൽ മാനസികമായി അടുക്കുക. ഉദ്ധാഹരണത്തിന് ജോലി സ്​ഥലത്ത് പോകുമ്പോഴും മടങ്ങി വരുമ്പോഴും പങ്കാളിക്ക് ഒരു ചുംബനം നൽകിയാൽ അടുപ്പം വർദ്ധിക്കുന്നു. കൂടാതെ അവൾക്കൊപ്പം ഇരിക്കുക, കൈ ചേർത്തുപിടിക്കുക, ആലിംഗനം ചെയ്യുക തുടങ്ങിയവ​യെല്ലാം മാനസിക അടുപ്പം വർദ്ധിക്കുന്നു.

കാരണം 4 ; ശാരീരിക ബുദ്ധിമുട്ടുകൾ

പങ്കാളിയുടെ ശാരീരിക ബുദ്ധിമുട്ടുകൾ മനസിലാക്കുക. വീട്ടിലെയും ഒാഫീസിലെയും ജോലിയോ മറ്റ്​ കാരണങ്ങളാലോ പങ്കാളി ക്ഷീണിതയായിരിക്കും. അത്തരം അവസ്​ഥയിൽ ശാരീരിക ബന്ധത്തിന് നിർബന്ധിക്കാതെ അവളെ വിശ്രമിക്കാൻ വിടുക. അതേസമയം പരസ്​പരം ഒറ്റപ്പെട്ടു കഴിയാതിരിക്കുക. നിങ്ങളിലെ അകലം വർധിപ്പിക്കാൻ ഇത് കാരണമാകുന്നു.

കാരണം 5 ; ദിവസവും ബന്ധപെടൽ

ദിവസവും ലൈംഗിക ബന്ധത്തിൽ ഏർപ്പെടണമെന്ന രീതി മാറ്റി എടുക്കുക. പങ്കാളിക്ക്​ മതിയായ ഇടവേളകൾ നൽക്കുക. ഇല്ലെങ്കിൽ ലൈംഗിക ബന്ധത്തിനുള്ള താല്പര്യം ഇല്ലാതാക്കാൻ ഇതും ഒരു കാരണമാണ്.