ചേര്‍ത്തല•കെ.എസ്.ആര്‍.ടി.സി സ്കാനിയ ബസ് കാറിലിടിച്ച് കയറി രണ്ടുമരണം. കാര്‍ ഓടിച്ചിരുന്ന തണ്ണീര്‍മുക്കം സ്വദേശി ഹരീഷും സമീപത്ത് നില്‍ക്കുകയായിരുന്ന കഞ്ഞിക്കുഴി സ്വദേശി ശിവറാമുമാണ് മരിച്ചത്.
തിരുവനന്തപുരത്ത് നിന്ന് ബംഗളൂരുവിലേക്ക് പോയ സ്കാനിയ ബസാണ് അപകടത്തില്‍പ്പെട്ടത്. ചേര്‍ത്തല പതിനൊന്നാം മൈലില്‍ വച്ച് സൈഡ് റോഡില്‍ നിന്നും ഹൈവേയിലേക്ക് കാറില്‍ ബസ് ഇടിക്കുകയായിരുന്നു.
കാര്‍ ഡ്രൈവറുടെ അശ്രദ്ധയാണ് അപകടകാരണമെന്ന് ദൃക്സാക്ഷികള്‍ പറയുന്നു. കാറിനെ രക്ഷിക്കാന്‍ ബസ് വെട്ടിച്ചു മാറ്റാന്‍ സ്കാനിയ ഡ്രൈവര്‍ ശ്രമിച്ചെങ്കിലും വിഫലമായി. കാറില്‍ ഇടിച്ച ബസ് സമീപത്തെ വൈദ്യുതി പോസ്റ്റും തകര്‍ത്താണ് നിന്നത്.
Post Your Comments